Тэадарас Русапулас пераабраны на пасаду прэзідэнта ПАРЕ
- 27.01.2025, 14:53
- 1,042
Палітык расказаў, што будзе яго галоўным прыярытэтам на пасадзе.
Грэк Тэадарас Русапулас пераабраны прэзідэнтам Парламенцкай асамблеі Рады Еўропы яшчэ на адзін год. Іншыя кандыдаты на гэтую пасаду не вылучаліся, таму паўнамоцтвы Русапуласа былі працягнутыя без галасавання ў сесійнай зале.
Аб гэтым паведамляе карэспандэнт РБК-Украіна са Страсбурга, дзе пачала сваю працу зімовая сесія ПАРЕ.
Русапулас узначаліў ПАРЕ год таму, у студзені 2024 года. Згодна з практыкай асамблеі, паўнамоцтвы прэзідэнта звычайна працягваюцца на другі гадавы тэрмін, калі за час кадэнцыі яго праца не выклікала асаблівых нараканняў.
Адной з галоўных інтрыг бягучай сесіі ПАРЕ будзе прызнанне ці непрызнанне паўнамоцтваў грузінскай дэлегацыі. Выбары ў грузінскі парламент, якія адбыліся ў кастрычніку 2024 года, выклікалі шмат нараканняў у міжнародных назіральнікаў, іх вынікі не былі прызнаныя апазіцыяй, якая на знак пратэсту адмовілася браць дэпутацкія мандаты.
У сувязі з гэтым паўнамоцтвы новай грузінскай дэлегацыі, складзенай выключна з прадстаўнікоў праўладнай партыі "Грузінская мара", былі аспрэчаныя іншымі дэлегатамі ПАРЕ, у сувязі з праблемамі з дэмакратыяй, якія ў апошні час пагоршыліся ў Грузіі. Цяпер на працягу дня маніторынгавы камітэт ПАРЕ павінен будзе вывучыць сітуацыю і выказаць сваё меркаванне перад сесійнай залай.
У сваёй прамове адразу пасля перавыбрання Русапулас заявіў, што тэма расейскай агрэсіі супраць Украіны будзе яго галоўным прыярытэтам на пасадзе.
«Падтрымка Украіны і праца з міжнароднымі актарамі для аднаўлення міру і справядлівасці будзе маім першачарговым абавязальніцтвам», - сказаў Русапулас.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
