«Адзін схапіў кіроўцу за шыю, іншы прачнуўся і пачаў біць»
1- 28.01.2025, 9:38
- 5,958
У Менску судзілі двух мужчын, якія напалі на таксіста.
У Менску двое прыезджых не змаглі расплаціцца з таксістам і ў выніку ўчынілі бойку. Прычым адзін з іх да гэтага спаў у салоне. Хуліганам ужо вынеслі прысуд, піша дзяржагенцтва "Минск-Новости" са спасылкай на пракуратуру.
У сталіцу двое прыяцеляў 36 і 46 гадоў прыехалі з Клічава, уладкаваліся на працу ў прыватную будаўнічую арганізацыю. У адзін з вечароў яны з кампаніяй адпачывалі ў рэстарацыі на Партызанскім праспекце, дзе абодва перабралі са спіртным. Пад раніцу знаёмая выклікала ім таксі, каб мужчыны дабраліся дадому.
Ехалі ззаду, адзін з прыяцеляў заснуў. Калі амаль дабраліся, мужчына раптам успомніў — у іх няма грошай, каб аплаціць паездку. Мужчына пачаў прасіць кіроўцу адвезці іх на іншым адрас, дзе ён хацеў узяць грошы.
Таксіст адмовіўся, сказаўшы, што даставіць іх у аддзяленне міліцыі, бо яны з ім не разлічыліся. Гэта абурыла пасажыра, таму ён схапіў кіроўцу за шыю.
У гэты момант прачнуўся яго таварыш і, не разабраўшыся ў тым, што адбываецца, не менш за тры разы ўдарыў таксіста, разарваўшы пры гэтым яму футболку.
Аўтамабіль спыніўся, хуліганы пакінулі салон і раптам сталі біць рукамі і нагамі па кузаве транспартнага сродку, пашкодзіўшы яго. Таксіст выклікаў міліцыю.
Прыяцеляў затрымалі, у дачыненні да іх распачалі крымінальную справу. Віну фігуранты прызналі поўнасцю, у зробленым раскаяліся, прычыненую пацярпеламу шкоду кампенсавалі. Абодва з'яўляюцца бацькамі, у аднаго трое дзяцей.
Суд прызнаў іх вінаватымі ў злосным хуліганстве і на падставе ч. 2 арт. 339 КК прызначыў абмежаванне волі без накіравання ў папраўчую ўстанову адкрытага тыпу: аднаму - на 2 гады, другому - на 1 год і 6 месяцаў. Прысуд уступіў у законнае дзеянне.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
