Беларускія заапаркі выбралі пітонаў сімваламі Года змяі 2025

Гарыныча, Гаргону і альбіноса Люціка.

Два беларускія заапаркі, самы стары гарадзенскі, якому праз два гады споўніцца 100 гадоў, і самы вялікі менскі, выбралі сімваламі 29 студзеня 2025 года паводле ўсходняга календара Года змяі, пітонаў — Гарыныча, Гаргону і альбіноса Люціка.

Нягледзячы на тое, што ў менскім заасадзе змяшчаецца больш за 50 відаў змей, на ролю сімвалаў былі выбраныя ўлюбёнцы - каралеўскія пітоны.

«Гэтыя змеі выдатныя: вельмі прыгожыя і разнастайныя па афарбоўцы (вядома амаль 9 тысяч морф гэтых рэптылій!), спакойныя, валодаюць рахманым характарам. А яшчэ яны вельмі фотагенічныя! І не імкнуцца ўцячы», - распавялі супрацоўнікі заапарка і падкрэслілі, што сімваламі надыходзячага Года змеі абралі цудоўную змяіную пару - шакаладнага колеру Гарыныча і іскрыстую бландынку Гаргону.

А вось у гарадзенскім заапарку на ролю сімвала і талісмана прызначылі тыгравага пітона Люціка. Ён альбінос, адсюль такая незвычайная «залатая» афарбоўка, жыве ў заапарку з 2022 года, яму амаль тры гады. Люцік малады, прыязны і яшчэ расце, яго даўжыня 1,80 метра, тады як даўжыня яго сяброўкі Васілісы перавышае 5,5 метра.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]