У Беларусі ўзрост кіроўцаў некаторых транспартных сродкаў хочуць знізіць да 17 гадоў

У краіне няма каму працаваць у сельскай гаспадарцы.

У Беларусі прапанавалі знізіць узроставы парог для кіроўцаў аднаго з транспартных сродкаў з 18 да 17 гадоў, піша БелТА.

Паводле словаў чальца сталай камісіі ў прамысловасці, энэргетыцы, транспарце, сувязі і лічбавым развіцці «палаты прадстаўнікоў» Сяргея Давыдава, такая прапанова з'яўляецца адной з навацый законапраекта аб дарожным руху.

Так, праект закона прапануе знізіць з 18 да 17 гадоў узрост асобаў, якія змогуць атрымліваць права кіравання самаходнай машынай сельскагаспадарчага прызначэння (катэгорыя F). Таксама хочуць прадугледзець павелічэнне максімальна дапушчальнай магутнасці рухавіка для колавых трактароў і самаходных машынаў катэгорый C, D, E, F.

Калі закон будзе прыняты, то тады з 17 гадоў беларускія падлеткі змогуць атрымліваць правы на кіраванне трактарамі і камбайнамі. А значыць – ужо з другога курсу ўдзельнічаць у працы ў сельгасарганізацыі. За гэта выступала і Міністэрства сельскай гаспадаркі і харчавання.

Акрамя таго, Сяргей Давыдаў звярнуў увагу, што для аператыўнай рэалізацыі прапанаваных навацый у законапраект яшчэ ўнеслі змены, каб скараціць тэрмін пачатку дзеяння закона аб дарожным руху – з шасці да двух месяцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]