У Менску прызналі банкрутам прыватны медцэнтр

Разборкі паміж заснавальнікамі дадалі пытанняў.

Медцэнтр «Клініка А1» у Менску прызналі банкрутам. Праблемы ў кампаніі пачаліся ў 2022 годзе - тады яна сутыкнулася з праверкамі дзяржорганаў, пазбаўленнем ліцэнзіі і разборкамі паміж заснавальнікамі, піша «Зеркало».

Справа аб банкруцтве кампаніі на заяву ўправы Фонду сацабароны насельніцтва (ФСАН) распачалі 16 кастрычніка 2024 года.

У пачатку гэтага года судовыя разборкі прадоўжыліся. 13 студзеня Эканамічны суд Менска прызнаў клініку банкрутам з ліквідацыяй (гэта значыць канчатковым яе закрыццём).

На той момант у яе была запазычанасць перад крэдыторамі на суму 29 392,66 рубля. Гэта вынікае з судовага дакумента ў адзіным дзяржаўным рэестры звестак аб банкруцтве.

Як клініка дайшла да такога стану

«Клініка А1» была заснаваная ў 2019 годзе. Увесну 2022 медцэнтр зазнала адразу дзве праверкі з боку дзяржорганаў. Пасля першай, праведзенай санэпідстанцыяй, установу яшчэ планавалі аднавіць працу, ліквідаваўшы выяўленыя парушэнні. Аднак прыкладна праз месяц Міністэрства аховы здароўя прыняло пастанову аб пазбаўленні ўстановы ліцэнзіі. Гэта было для кампаніі крытычным ударам.

«Стала зразумела, што рэсурсаў аднавіць яе ў нас не дастаткова», - расказалі тады ў медцэнтры. У фірмы пачалі назапашвацца запазычанасці перад пастаўшчыкамі абсталявання, а таксама пратэрміноўкі ў выплаце заробку.

- Прэтэнзіі Міністэрства аховы здароўя да нас, на жаль, не дайшлі. Нам прыйшло прадпісанне, што нас закрываюць да моманту выпраўлення нястачы на тэрмін да шасці месяцаў. Але як такой пастановы лячэбна-кантрольнай рады Мінздара мы так і не атрымалі. Нам не пералічылі тыя хібы, з-за якіх нам прыпынілі дзейнасць, - казала блогу «Отражение» дырэктарка Алена Шарафановіч.

Як разборкі паміж заснавальнікамі дадалі пытанняў

І без таго складаная сітуацыя ў гэтай клініцы пагоршылася праз канфлікт паміж заснавальнікамі. Як раней расказвала кіраўніца медцэнтра, прычынай пільнай увагі дзяржорганаў сталі скаргі Уладзіміра Гурлёва — сына аднаго з заснавальнікаў медцэнтра Людмілы Гурлевай.

- Сын другога заснавальніка, каб зняць дырэктара, пісаў скаргі ў Міністэрства аховы здароўя, наогул усюды. А ў выніку перапынілі дзеянне ліцэнзіі, - распавядаў у той час блогу «Отражение» заснавальнік медцэнтра Руслан Шарафановіч.

Характэрна, што зараз поўны цёзка Уладзіміра Гурлёва кіруе іншым медцэнтрам «Клініка гуру», які быў зарэгістраваны ў траўні 2022 года - у разгар канфлікту. Першапачаткова заснавальніцай гэтай новай клінікі значылася Людміла Гурлева - сузаснавальніца «Клінікі А1». Са звестак на студзень 2024 года, у гэтым новым медцэнтры працавалі два чалавекі, хоць на сайце былі пералічаныя 15 лекараў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]