Беспілотнікі дабілі НПЗ у Валгаградзе
7- 31.01.2025, 8:15
- 16,024
Прадпрыемства належыць кампаніі «Лукойл».
У ноч на 31 студзеня беспілотнікі атакавалі яшчэ адзін НПЗ у РФ, які знаходзіцца ў Валгаградзе.
Эксперты ўжо звярнулі ўвагу на той факт, што Украіна паўторна атакуе НПЗ, якія былі пад ударамі дронаў роўна год таму.
Сёння дайшла чарга і да НПЗ у Валгаградзе. Прадпрыемства належыць кампаніі «Лукойл-Валгаграднафтаперапрацоўка», інфармуе рэсурс Dialog.UA.
Расейскія паблікі пішуць аб тым, што атака дронаў пачалася блізу 3:00. Мясцовыя жыхары выклалі ў сеціва кадры гукаў дронаў, якія ляцяць, гукі аўтаматнай чаргі, а таксама гукі «бавоўны» ў раёне НПЗ.
Пры гэтым мясцовыя паблікі таксама паведамляюць і аб тым, што да месца прылётаў выехалі брыгады пажарных і хуткай дапамогі.
Мясцовая ўлада атаку дронаў пакуль не каментуе.
Гэты ж НПЗ быў атакаваны беспілотнікамі ГУР МА Украіны ў ноч на 11 траўня 2024 года. Тады быў нанесены ўдар па ўстаноўках першаснай перапрацоўкі нафты АВТ-1 і АВТ-6.
Не пашанцавала гэтаму ж заводу і ў 2025 годзе. У ноч на 15 студзеня на тэрыторыі НПЗ адбыўся загадкавы пажар, праз што прадпрыемства прыпыніла сваю працу. РасСМІ пісалі, што пажар нанёс пашкоджанні ўстаноўцы №18 і двум цеплаабменнікам. Нібыта пажар адбыўся з прычыны пазаштатнай сітуацыі, не звязанай з вонкавым уздзеяннем. Мясцовыя жыхары запэўнівалі, што чулі гукі «бавоўны» перад пачаткам пажару.
Завод «Лукойл-Валгаграднафтаперапрацоўка» быў уведзены ў эксплуатацыю ў 1957 годзе. Прадпрыемства перапрацоўвае нафту, якая паступае па нафтаправодзе Самара - Ціхарэцк. Сваю прадукцыю пастаўляе ў Паўднёвую федэральную акругу. Магутнасць завода - 15 млн тон нафты на год. 3 лютага 2024 года завод упершыню зазнаў напад дронаў Украіны.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
