УСУ знішчылі камандны пункт расейцаў у Курскай вобласці

Удар нанеслі па горадзе Рыльску.

Падраздзяленні ракетных войск і артылерыі Сіл абароны паспяхова ўдарылі па камандным пункце групоўкі войск «Курск» Узброеных сіл Расеі ў горадзе Рыльску Курскай вобласці.

Пра гэта паведамляе Генеральны штаб Узброеных сіл Украіны (УСУ).

Адзначаецца, што паражэнне было нанесенае сёння, 31 студзеня. У выніку атакі пункт кіравання быў знішчаны.

Пакуль што іншыя падрабязнасці аперацыі не раскрываюцца.

«Гэтая аперацыя - частка сістэмнай працы па знішчэнні камандных пунктаў ворага, пазбаўленне яго магчымасці эфектыўна каардынаваць баявыя дзеянні і лагістыку. Сілы абароны Украіны працягваюць наносіць страты акупацыйным войскам, руйнуючы іх сістэму кіравання і зніжаючы іх наступальны патэнцыял», - піша Генеральны штаб УСУ.

Баі ў Курскай вобласці

Улетку 2024-га ўкраінскія байцы пачалі наступленне ў Курскай вобласці, падчас якога была прарваная варожая мяжа і ўзятая пад кантроль частка рэгіёна. Пазней ворагу ўдалося адбіць пэўныя тэрыторыі, але Сілы абароны працягваюць утрымліваць дзясяткі населеных пунктаў, у тым ліку і горад Суджу.

Расея, у сваю чаргу, прыцягнула да баёў і вайскоўцаў Карэйскай Народна-Дэмакратычнай Рэспублікі (КНДР), якія зараз нясуць вялізныя страты. У пачатку студзеня ўкраінскія байцы ўпершыню ўзялі ў палон двух вайскоўцаў Паўночнай Карэі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]