Белгідрамет: 2024 год пабіў усе рэкорды

Гэта быў самы цёплы год у Беларусі за ўвесь перыяд метэаназіранняў.

Мінулы год пабіў усе рэкорды і стаў самым цёплым у Беларусі за ўвесь перыяд метэаназіранняў. Пра гэта расказала на прэс-канферэнцыі прадстаўніца Белгідрамета Вольга Бакланава.

«Апошняе дзесяцігоддзе сярэдняя гадавая тэмпература паветра ўсё часцей перавышае адзнаку 8,5 градуса пры гадавой норме 7,2 градуса. Да 2015 года такіх высокіх тэмператур не адзначалася. Самым цёплым быў 2020 з тэмпературай 9,1 градуса. Але 2024 год пабіў гэты рэкорд і стаў самым цёплым за ўсю гісторыю метэаралагічных назіранняў», - заявіла Бакланава.

З яе слоў, у 2024 годзе сярэдняя тэмпература паветра склала 9,5 градуса. І гэта вышэй за кліматычную норму на 2,3 градуса. Дадатная анамалія тэмпературы паветра была адзначаная цягам 11 месяцаў. Толькі ў студзені тэмпература была ніжэйшай за кліматычную норму на адзін градус.

«У студзені былі зафіксаваныя самыя нізкія тэмпературы за год. Мінімум склаў мінус 28,7 градуса. Гэта адбылося 8 студзеня на станцыі Езярышча. Самым унікальным месяцам года выявіўся верасень, які стаў самым цёплым вераснем за ўвесь перыяд назіранняў. Сярэдняя па Беларусі тэмпература паветра за першы восеньскі месяц была блізкая да летніх тэмператур і склала 17,5 градуса, што вышэй за кліматычную норму на 4,8 градуса. Максімальныя тэмпературы паветра на большай частцы тэрыторыі рэспублікі дасягалі плюс 27 градусаў, а на поўдні і паўднёвым усходзе - 28, 30», - падсумавала прадстаўніца Белгідрамета.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]