Тайвань забараніў усім сваім дзяржустановам карыстацца кітайскім DeepSeek

Выспа гаворыць аб пагрозе інфармацыйнай бяспекі.

Тайвань забараніў усім сваім дзяржаўным установам і пастаўшчыкам паслуг у сферы крытычнай інфраструктуры выкарыстоўваць тэхналогіі кітайскага стартапу ў галіне штучнага інтэлекту DeepSeek, спасылаючыся на меркаванні бяспекі, паведамляе Bloomberg.

«Яго праца звязана з праблемамі бяспекі, такімі як трансмежная перадача і ўцечка інфармацыі. Гэта прадукт, які пагражае нацыянальнай інфармацыйнай бяспецы», - гаворыцца ў заяве Міністэрства лічбавых тэхналогій выспы.

У студзені кампанія DeepSeek выпусціла новую платформу штучнага інтэлекту з адкрытым зыходным кодам, якая можа імітаваць чалавечае мысленне - гэта выклікала трывогу на міжнародным узроўні праз відавочную канкурэнтаздольнасць Пекіна ў сферы ШІ. Аплікацыя кампаніі заваявала папулярнасць ва ўсім свеце і ўзначаліла рэйтынгі запамповак мабільных аплікацый у некаторых краінах.

Але на шляху ўзмацнення папулярнасці DeepSeek ужо з'яўляюцца перашкоды, бо ўрады і бізнэс ацэньваюць патэнцыйныя наступствы для кібербяспекі і магчымасць таго, што інфармацыя, сабраная кітайскай кампаніяй, можа быць перададзеная ўраду Кітая.

Італьянскі рэгулятар у пытаннях прыватнасці абмежаваў працу кітайскай аплікацыі, Вялікая Брытанія выказала папярэджанне сваім грамадзянам і кампаніям, Пентагон ЗША таксама абмежаваў доступ да платформы. Сотні кампаній, у тым ліку юрыдычныя фірмы, забаранілі сваім супрацоўнікам выкарыстоўваць інструменты DeepSeek.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]