Каля Дняпра ў Магілёве мужчыны стаялі ланцужком, узяўшыся за рукі, каб выратаваць рыбака
15- 10.02.2025, 20:43
- 10,906
Ён праваліўся пад лёд.
Днём 10 лютага на заліве ракі Дняпро ў Магілёве, паблізу вуліцы Залатавустаўскага, з вады дасталі мужчыну. Для гэтага выкарыстоўвалі чалавечы ланцуг, паведамілі ў МНС.
Фацінскі заліў – упадабанае месца магілёўскіх рыбакоў. Нягледзячы на панядзелак і знакі забароны выхаду на лёд, аматараў парыбачыць даволі, зазначаюць у МНС.
Адзін з рыбакоў праваліўся пад лёд за тры метры ад берагу. Ягоны крык пачуў супрацоўнік ТРВОД Віктар Вахновіч. Выратавальнік схапіў вяроўку і пабег да палонкі.
Супрацоўнік ТРВОД пры дапамозе іншых рыбакоў, узяўшыся ў ланцужок за рукі, дасталі танулага на бераг. Пацярпелы быў у выратавальнай камізэльцы, што і дазволіла яму заставацца на плыву да прыходу дапамогі. Мужчына адмовіўся ад агляду медыкаў і пакінуў месца здарэння. Падраздзяленні МНС не задзейнічалі.
«Заліў ракі Дняпро ў раёне вуліцы Фоціна амаль цалкам пакрыўся лёдам. І адразу ж тут з'явіліся рыбакі. Але лёд яшчэ не ва ўсіх месцах трывалы, ёсць прамыіны. Трэба быць вельмі асцярожным, перасоўваючыся па такім лёдзе», – папярэдзіў супрацоўнік ТРВОД Віктар Вахновіч.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
