Сабаленка з'явілася ў адной з самых дарагіх рэкламаў у свеце

Рэкламу паказалі падчас Супербоўлу.

Кампанія Nike упершыню за 27 гадоў замовіла рэкламу на Супербоўле – фінальным матчы Нацыянальнай футбольнай лігі. Гэтая галоўная спартовая падзея ў ЗША з вельмі дарагім рэкламным часам: хвілінны ролік можа каштаваць блізу 16 мільёнаў даляраў.

У Nike расказалі, што пастанавілі вярнуцца на Супербоўл, каб выкарыстаць гэтую папулярную пляцоўку для аповеду пра ролю жанчынаў у сучасным спорце, піша fastcompany.com.

«Жанчыны сёння проста б'юць усе рэкорды, запаўняюць стадыёны, забяспечваюць неверагодныя продажы квіткоў, заключаюць кантракты, якіх раней ніхто не бачыў, і сутыкаюцца, магчыма, з самымі жорсткімі чаканнямі датычна таго, як ім трэба сябе паводзіць. І я думаю, што яны перавызначаць, што значыць быць спартоўцамі і публічнымі асобамі будучыні», – расказала дырэктарка маркетынгу Nike Ніколь Хабард Грэм.

У рэкламным роліку сапраўды паказаныя толькі жанчыны – зоркі сусветнага спорту, якія супрацоўнічаюць з кампаніяй. Сярод іх і беларуская тэнісістка Арына Сабаленка. Першая ракетка свету з'яўляецца ў відэа двойчы: у адным з эпізодаў яна ў роспачы шпурляе ракетку на корт, а ў іншым цешыцца поспеху.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]