Беларуска паскардзілася, што піцу ў гіпермаркеце гатуюць без пальчатак
31- 12.02.2025, 11:20
- 6,496
Што адказалі ў санстанцыі?
Жыхарка пасёлка Чэнкі (Гомельскі раён) заўважыла, што ў адным з гіпермаркетаў, размешчаных на тэрыторыі сельсавета, кухар гатуе піцу без пальчатак. З гэтай нагоды яна напісала скаргу ў санстанцыю. Што на гэта адказалі ў ведамстве, расказала газета «Маяк».
Жанчыну абурыла тое, што кухар працуе без пальчатак і інгрэдыенты на піцу накладвае голымі рукамі. Акрамя таго, вяскоўку абурылі пазногці кухара. На ейную думку, яны перавышалі даўжыню, дапушчальную для прыгатавання ежы ў прамысловых умовах.
На прэтэнзіі кліенткі адказала галоўная санітарная лекарка Гомельскага раёна Вольга Фралова.
- Згодна з патрабаваннямі санітарна-эпідэміялагічнага заканадаўства, работнікі грамадскага харчавання павінны выкарыстоўваць аднаразовыя пальчаткі пры гатаванні страў, якія не праходзяць цеплавую кулінарную апрацоўку, сервіроўку, парцыянаванне і выдачы страў, - адзначыла Вольга Фралова.
Што да доўгіх пазногцяў у піцэра, то тут адназначная забарона. Тыя, хто абраў прафесію повара ў грамадскім харчаванні, такой прыгажосцю павінны ахвяраваць, піша «Маяк».
Гомельскі раённы цэнтр гігіены і эпідэміялогіі паабяцаў праверыць гандлёвы аб'ект і прыняць меры, калі парушэнні будуць выяўлены.
Дарэчы, у шматлікіх вядомых сетках піцэрый гатуюць піцы прынцыпова без выкарыстання пальчатак. Адна з найбуйных расейскіх сетак патлумачыла гэта тым, што іх наяўнасць стварае ілюзію чысціні.
«Пальчаткі не гарантуюць стэрыльнасць. <…> Вы бачыце пальчаткі, але не ведаеце, да чаго дакранаўся кухар, перш чым пачаў гатаваць. Да таго ж калі на кухні брудна - чыстыя пальчаткі не дапамогуць», - адзначаецца на сайце сеткі піцэрый.
Там дадаюць, што «мыццё рук значна прасцей кантраляваць, чым мяняць пальчаткі».
«Калі чалавек адчувае бруд на руках, яму інстынктыўна хочацца іх вымыць. У пальчатках жа гэта не спрацуе».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
