Праз найбуйнейшы памежны пераход з Беларусі ў Польшчу стала ўязджаць менш цягнікоў

Рэч у транзіце кітайскіх тавараў.

Грузавых цягнікоў, якія перасякаюць польска-беларускую мяжу ў Тэрэспалі, стала менш. Адна з прычын - праблемы з транзітам кітайскіх тавараў праз Расею.

Са звестак партала Rynek Kolejowy, у снежні 2024 года мяжу ў Тэрэспалі перасякала ў сярэднім 23 грузавыя цягнікі за дзень. Для параўнання: у лістападзе яе штодзень праходзіла ў сярэднім 27 цягнікоў.

Адна з прычын змяншэння грузаплыні - праблемы з транзітам грузаў праз Расею. У лістападзе расейскі ўрад прыняў дэкрэт аб забароне транзіту праз сваю тэрыторыю тавараў падвойнага прызначэння - яны могуць выкарыстоўвацца як у цывільных, так і вайсковых мэтах.

Напрыклад, Расея затрымлівала кантэйнеры з кампанентамі для аўтамабільных акумулятараў, а з некаторых экспартаваных тавараў там дэмантавалі электроніку.

Тэрэспаль з'яўляецца найбуйнейшым з трох чыгуначных пераходаў на польска-беларускай мяжы. Цяпер яе перасякаюць толькі грузавыя цягнікі. Пасажырскі рух прыпынены ў 2020 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]