У Вугоршчыне абвалілася вытворчасць у адной з ключавых галінаў, якую аддалі Кітаю

Прамысловая вытворчасць у краіне знізілася на 6,4%.

У Вугоршчыне ўпала вытворчасць батарэй для электрамабіляў да трохгадовага мінімуму, або на 51% у гадавым выразе ў 2024 годзе. Пра гэта піша агенцтва Bloomberg.

Вугорскі ўрад зрабіў стаўку на гэтую галіну ў надзеі выратаваць вытворчы сектар з рэзкага спаду, які пачаўся блізу 2022 года. Дзякуючы дзяржсубсідыям у краіну ўдалося запрасіць буйных кітайскіх вытворцаў.

Акумулятарныя заводы і вытворчасці звязаныя з электрамабільнай індустрыяй у Вугоршчыне ёсць у кітайскіх NIO, BYD, CATL, EVE Power, Sunwoda і Huayou Cobalt. Некаторыя вытворчыя пляцоўкі яшчэ на стадыі будаўніцтва.

У выніку эканоміка Вугоршчыны стала ў значнай ступені залежаць ад рэалізацыі акумулятараў для электрамабіляў кітайскіх заводаў, размешчаных у краіне. Паслабленне цікавасці да электрамабіляў у Еўропе прывяло да памяншэння аб'ёмаў вытворчасці на гэтых прадпрыемствах, што негатыўна адбілася на ВУП Вугоршчыны ў першым паўгоддзі 2024 года (падзенне на 0, 2%).

Паводле вынікаў 2024 года прамысловая вытворчасць у краіне знізілася на 6,4% у гадавым выразе. Асноўнымі прычынамі сталі спад у аўтамабільнай галіне і сегменце электроннага абсталявання, пацвярджае агенцтва Bloomberg са спасылкай на звесткі вугорскага статыстычнага кіравання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]