Ваўкі заўважаныя ў населеных пунктах у розных канцах Беларусі

Яны нападаюць на сабак.

Сярэдзіна лютага запомніцца беларусам вельмі актыўным узаемадзеяннем з дзікімі жывёламі. 14 лютага пра сябе двойчы далі знаць ваўкі: адзін з'явіўся ў Хойніцкім раёне, другі – у Смалявічах, адзначае «Анлайнер».

Раніцай у вёсцы Барысаўшчына воўк паспрабаваў загрызці сабаку. Мясцовыя жыхары звярнуліся ў Хойніцкае РАУС, бо баяліся выходзіць на вуліцу. Каб абясшкодзіць жывёлу, супрацоўнікі міліцыі выкарыстоўвалі агнястрэльную зброю: звера паранілі, але ён уцёк. Аднак неўзабаве на суседняй вуліцы воўк зноў напаў на сабаку. У выніку прыцэльнымі стрэламі драпежніка абясшкодзілі, ніхто не пацярпеў.

Пазней у той самы дзень да нас у рэдакцыю звярнуліся жыхары мікрараёна Ліпкі ў Смалявічах: па вуліцах горада хадзіў воўк.

– Да людзей ён не падыходзіць, але перамяшчаецца па заселеных вуліцах. Мясцовыя жыхары ў чаце ў рэжыме анлайн паведамляюць ягоны маршрут. З'явіўся ён у раёне яшчэ рана раніцай, – расказаў нам Мікалай. А іншы жыхар раёна дапоўніў інфармацыю: маўляў, воўк разгульваў па мікрараёне яшчэ з учорашняга дня.

Паводле апошняй інфармацыі, драпежніка ліквідавалі выкліканыя службы. Яго будуць правяраць на наяўнасць шаленства. Мясцовыя жыхары непакояцца, ці не заразіў ён сабак на самавыгуле, якіх у Ліпках нямала.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]