У Беларусі ўвялі новаўвядзенні, якія закранулі выплаты пенсій
2- 14.02.2025, 21:20
- 15,928
Яны запрацуюць ужо неўзабаве.
У Беларусі з 1 ліпеня 2025 года памяняюцца ўмовы атрымання пенсій праз банкі, паведамляе камітэт працы, занятасці і сацабароны Менгарвыканкама са спасылкай на ўказ Лукашэнкі ад 23 верасня 2021 г. № 363 «Аб бягучым (разліковым) банкаўскім рахунку фізічнай асобы з базавымі ўмовамі». Пенсіі ды іншыя сацыяльныя выплаты будуць залічвацца толькі на базавыя рахункі.
«Выплата пенсій, якая ажыццяўляецца на бягучыя (разліковыя) банкаўскія рахункі, будзе прадоўжаная толькі да названай даты», – растлумачылі ў камітэце.
Супрацоўнікі камітэта прапануюць атрымальнікам пенсій для падаўжэння іх выплатаў праз банкі, з пашпартам да 1 ліпеня 2025 года падысці ў банк для адкрыцця базавага рахунку або пераафармлення актуальнага (разліковага) рахунку на базавы і напісаць заяву, якая і будзе адпраўленая банкам у орган, які выплачвае пенсію.
Цяпер базавыя рахункі адкрываюць наступныя беларускія банкі: «Белаграпрамбанк», «Ашчадны банк», «Беларусбанк», «Белзнешэканомбанк», «Белгазпрамбанк», «Белінвестбанк», «Банк Дабрабыт», «МТБанк», «Прыёрбанк», «Ашчад Банк».
Дарэчы, банкі ўжо прапануюць атрымальнікам пенсій, а гэта не толькі пенсіі паводле ўзросту, але і паводле інваліднасці, страты карміцеля, дапамогі для догляду інваліда І групы або асобы, якая дасягнула 80-гадовага ўзросту, дапамогі сем'ям, якія выхоўваюць дзяцей, перааформіць банкаўскія карты. На новых картах ёсць пазнака пра базавы рахунак.
Базавыя рахункі некаторыя беларускія банкі ўжо адкрываюць з 2022 года, да 2025 года колькасць такіх банкаў значна павялічылася. Грамадзянін мае права на адкрыццё аднаго базавага рахунку.
Да 1 ліпеня выплата пенсій на банкаўскія рахункі, адкрытыя да 1 ліпеня 2022 года, будзе прадоўжаная.
З 1 ліпеня 2025 года, калі пенсіянер не захоча адкрываць базавы рахунак, то пенсію ён зможа атрымаць на пошце ці праз арганізацыю ў іх дастаўцы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
