Беларусы сталі больш налягаць на піва

Які рэгіён самы піткі?

Беларусы не адмаўляюцца ад піва. Наадварот, у некаторых абласцях яго сталі спажываць яшчэ больш.

Паводле звестак Белстата, у 2024 годзе арганізацыямі гандлю Беларусі было рэалізавана 39,9116 млн дал. Гэта на 0,5% больш, чым у 2023-м.

Цікава, што ў Менску продаж піва скараціўся на 2,2%. Крыху менш сталі ўжываць гэты напой і ў Віцебскай вобласці.

А вось у астатніх рэгіёнах сітуацыя іншая. Там быў рост продажаў:

Гарадзенская вобласць – на 0,4%

Берасцейская вобласць – на 1,2%

Гомельская вобласць – на 1,2%

Менская вобласць – на 2,1%

Магілёўская вобласць – на 3,2%.

Самыя папулярныя напоі

Белстат расказаў, якія алкагольныя напіткі беларусы часцей за ўсё ўжывалі ў 2024-м. Калі коратка: перавагі змяніліся.

Больш за ўсё летась у Беларусі было прададзена піва – яго можна ўважаць за самы папулярны напой. Хоць рост зусім нязначны.

А вось каньяк і брэндзі нашы людзі сталі набываць значна часцей. Продажы выраслі да 108,4%. Яшчэ лепш бралі слабаалкагольныя напоі.

Як паказвае статыстыка, попыт на вінаградныя і пладовыя віны летась упаў. Такая самая сітуацыя і з гарэлкай: у параўнанні з 2023-м продажы склалі 96% – 7569 дал.

Цікава, што ў агульным аб'ёме продажаў гарэлкі дзель прадукцыі айчыннай вытворчасці імкліва набліжаецца да 100%. Падобны расклад і з пладовымі вінамі. А вось з вінаграднымі сітуацыя іншая: напоі айчыннай вытворчасці займаюць крыху больш за 60%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]