Як атрымаць грашовую кампенсацыю за «камуналку» ў Беларусі?

Не ўсе грамадзяне могуць прэтэндаваць на такія датацыі ад дзяржавы.

У ЖКГ Менска расказалі, як беларусам атрымаць безнаяўныя жыллёвыя субсідыі для аплаты паслуг.

Там удакладнілі, што такія датацыі належаць не ўсім слаям насельніцтва, піша «Кропка».

На іх могуць прэтэндаваць малазабяспечаныя і сацыяльна неабароненыя групы людзей.

Сярод іншага, субсідыі вылучаюцца для частковай аплаты ЖКП і кампенсацыі выдаткаў на электраэнэргію, якая спажываецца для асвятлення дапаможных памяшканняў і працы абсталявання.

Важны момант: субсідыя даецца толькі ў рамках нарматываў спажывання. За кошт субсідыі пагашаецца частка платы за:

газазабеспячэнне

ацяпленне

гарачую і халодную ваду

вываз смецця

тэхабслугоўванне жылога дома і ліфта

капрамонт

электраэнэргію

уборку дапаможных памяшканняў у жылым доме.

Каму дадуць кампенсацыю на «камуналку»

Атрымаць субсідыю могуць уласнікі жылля, наймальнікі дзяржжылля і чальцы іх сем'яў. Акрамя таго, субсідыю могуць аформіць чальцы арганізацыі забудоўнікаў.

Дзяржава кампенсуе выдаткі на аплату ЖКП толькі тым, у каго яны перавышаюць:

20% сярэднямесячнага сукупнага прыбытку грамадзяніна і чальцоў ягонай сям'і – для жыхароў гарадоў і пасёлкаў гарадскога тыпу

15% сукупнага прыбытку – для жыхароў сельскай мясцовасці.

Як аформіць субсідыю

Для гэтага патрэбныя наступныя дакументы:

пашпарт ці іншы дакумент, які сведчыць асобу

выпіскі і даведкі, якія пацвярджаюць прыбыткі

пасведчанні аб нараджэнні няпоўнагадовых дзяцей

пасведчанне аб заключэнні або скасаванні шлюбу

іншыя.

На атрыманне субсідыі не можа прэтэндаваць:

уласнік некалькіх жылых памяшканняў (выключэнне – шматдзетныя сем'і)

уласнік жылля, які здае яго праз дамову найму

уладальнік кватэры, у якой зарэгістраванае прыватнае прадпрыемства.

Сюды ж адносяцца асобы, уключаныя ў спіс працаздольных, але не занятых у эканоміцы, якія аплачваюць паслугі паводле поўных тарыфаў.

Камунальныя паслугі даражэюць у Беларусі

Раней стала вядома, што ў Беларусі падвышаюць кошт жыллёва-камунальных паслуг. Гэта прадугледжана ўказам, які падпісаў кіраўнік дзяржавы.

Для тыпавой двухпакаёвай кватэры з трыма жыхарамі, якія спажываюць паслугі ў межах нормы, рост ЖКП складзе Br21 (0,5 базавай велічыні).

Павелічэнне тарыфаў адбудзецца праз два этапы:

з 1 студзеня падаражэюць усе паслугі, акрамя ацяплення і гарачага водазабеспячэння, на Br17,05

з 1 чэрвеня – цеплавая энэргія для ацяплення і гарачага водазабеспячэння на Br3,95.

Паводле афіцыйных звестак, у 2025 годзе дзель выдаткаў на ЖКП у прыбытку сям'і з трох чалавек (пры двух працоўных з заробкамі на ўзроўні сярэдняга ў краіне) складзе 3,8%, а для сям'і з двух пенсіянераў – 8,3%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]