Навукоўцы знайшлі пад Смалявічамі метэарыт, які прыляцеў з космасу

Палявалі за ім паўтысячы валанцёраў.

У канцы снежня метэарыт праляцеў над Менскам і ўпаў побач са Смалявічамі. Яго доўга шукалі, прыцягваючы валанцёраў. І вось стала вядома, што касмічны госць знойдзены.

Дзе зараз знаходзяцца яго аскепкі, распавёў тэлеканал АНТ.

«Знойдзеныя каменьчыкі і праўда выявіліся метэарытам. Гэта пацвердзілі расейскія навукоўцы. Да іх на Урал ён паляцеў, але абяцаў вярнуцца», - гаворыцца ў паведамленні.

Там адзначылі, што «нябесны аб'ект заўважылі беларусы, разлікі рабілі чэхі, палявалі за ім паўтысячы валанцёраў, а знайшлі навукоўцы з Уральскага ўніверсітэту. Іх першы выхад у палі ўвянчаўся поспехам, што ўвогуле нядзіўна — на рахунку каманды больш за сорак экспэдыцый. Знаходку ўжо даследавалі ў расейскай лабараторыі».

«Мэтэарыты ў Беларусі хоць і рэдка падаюць, але падлягаюць уліку. Пра гэта гаворыцца ў Кодэксе аб нетрах, так што вярнуць сапраўды давядзецца. Яму ўжо і імя прыдумалі - «Смалявічы» па месцы падзення. Асобнік не ўнікальны, але вывучыць карысна», - падкрэслівае канал.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]