Мянчанка самавольна ўстанавіла камеру на лесвічнай пляцоўцы
28- 17.02.2025, 11:50
- 13,636
Ці законна гэта.
«Суседка самавольна ўсталявала на лесвічнай пляцоўцы камеру відэаназірання, у аб'ектыў якой таксама трапляюць уваходныя дзверы ў мая кватэра. Я неаднаразова выказваўся супраць, прасіў прыбраць прыладу ці хаця б павярнуць у бок, але жанчына на патрабаванні не рэагуе. Наколькі правамерныя яе дзеянні? - спытаў мянчук Міхаіл. Сітуацыю пракаментавалі ў Менскім гарадскім судзе, піша агенцтва «Минск-Новости».
- Заканадаўчымі актамі Беларусі не забараняецца ўстаноўка грамадзянамі камер відэаназірання ў пад'ездзе, - патлумачыла суддзя судовай калегіі ў цывільных справах Мінскага гарадскога суда Таццяна Скопец. - Працэдура іх усталявання не рэгламентаваная, аднак пры гэтым неабходна ўлічваць наступныя нюансы. Артыкулам 28 Канстытуцыі гарантавана права грамадзяніна на абарону ад незаконнага ўмяшання ў яго прыватнае жыццё.
У артыкуле 18 Закона «Аб інфармацыі, інфарматызацыі і абароне інфармацыі» замацавана, што збор, апрацоўка, захоўванне, выдача і распаўсюджванне інфармацыі аб прыватным жыцці фізічнай асобы ажыццяўляюцца з яе згоды.
Такім чынам, калі камера відэаназірання ўстаноўленая такім чынам, што на здымкі трапляе прыватнае жыццё суседа і, на ягоную думку, парушаецца права на неўмяшанне ў яе, то неабходна атрымаць яго згоду на ўстаноўку апаратуры. Калі ж асабістае жыццё суседзяў не закранаецца, а ўстаноўка камеры накіраваная на абарону прыватную уласнасць, то згоды не трэба.
У выпадку, калі пры ўстаноўцы камер відэаназірання патрабавалася згода і яна не была атрыманая, грамадзянін можа звярнуцца па абарону парушанага права ў суд з адпаведнай заявай у парадку цывільнага судаводства.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
