Стала вядома, хто адправіўся на перамовы з ЗША ад Расеі

Перамовы пройдуць у Савудаўскай Арабіі.

Спікер Крамля Дзмітрый Пяскоў заявіў, што міністр замежных спраў Расеі Сяргей Лаўроў і галоўны дарадца расейскага дыктатара Уладзіміра Пуціна ў замежнай палітыцы Юрый Ушакоў вылятаюць у Эр-Рыярд, сталіцу Савудаўскай Арабіі.

Пра гэта паведамляе расейскае прапагандысцкае агенцтва РІА “Новости”.

Пяскоў сказаў, што Лаўроў і Ушакоў адпраўляюцца ў Савудаўскую Арабію на даручэнне Пуціна.

Ён таксама пацвердзіў, што расейскія чыноўнікі правядуць перамовы з прадстаўнікамі ЗША ў аўторак, 18 лютага.

З яго слоў, дэлегацыі ЗША і Расеі абмяркуюць вайну ва Украіне, арганізацыю сустрэчы прэзідэнта ЗША Дональда Трампа з Пуціным, а таксама «аднаўленне ўсяго комплексу расейска-амерыканскіх стасункаў».

Прадстаўнік Крамля дадаў, што Савудаўская Арабія была абраная для кантактаў ЗША і РФ, бо яна «задавальняе абодва бакі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]