Лукашэнка расказаў, што будзе з Wildberries у Беларусі

На нараду з дыктатарам была кіраўніца маркетплэйсу.

Лукашэнка атрымаў ад урада прапановы па развіцці маркетплэйсу Wildberries у Беларусі. Пра гэта дыктатар паведаміў 17 лютага на сустрэчы з буйным бізнэсам. Сярод запрошаных была ў тым ліку заснавальніца Wildberries Таццяна Кім.

«Яны гатовыя пашырацца тут і прадаваць. Пытанне: што прадаваць? «Мы імкнемся да імпартазамяшчэння. Наш рынак невялікі, але мы хацелі б заняць гэты рынак сваёй вытворчасцю». І гэтак далей і да таго падобнае. Калі так - калі ласка», - адзначыў Лукашэнка.

Дыктатар удакладніў, што «яшчэ трэба ўлічыць адну рэч».

«Я не хачу, каб зніклі крамы крокавай даступнасці, маленькія крамкі і гэтак далей. Я не хачу, каб была манаполія буйных сетак. І не хачу, каб у кагосьці былі такія ўмовы, а ў гэтых - іншыя, - сказаў Аляксандр Лукашэнка. - Але калі хтосьці мадэрнізаваўся і прасунуўся ў будучыню, а Wildberries працуе менавіта так (я ўжо баюся, што ўвесь гандаль неўзабаве пяройдзе ў інтэрнэт), такія прадпрыемствы мы будзем падтрымліваць. Але ўсякае прадпрыемства мусіць працаваць на Беларусь, на дзяржаву. Тады ў мяне ніякіх не будзе да вас прэтэнзій».

Раней у беларускіх уладаў узнікалі пытанні да працы Wildberries. Таксама чыноўнікі абмяркоўвалі з кіраўніцтвам гэтага маркетплэйсу развіццё інфраструктуры ў Беларусі, адкрыццё лагістычных цэнтраў, урэгуляванне пытанняў «двайнога падаткаабкладання».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]