У Менску Tesla атрымала нечаканы ўдар
21- 17.02.2025, 16:30
- 13,588
Кіроўца задаецца пытаннем аб тым, хто будзе адказваць.
Чытач распавёў Onlíner аб прыкрым здарэнні, у якое мімаволі апынуўся ўцягнуты. Пуцеправод на скрыжаванні вуліц Маякоўскага і Дзянісаўскай у Менску. Чытач на сваёй Tesla наганяе тралейбус. Нешта падае, раздаецца гук удару. На капоце і крыле Tesla застаюцца сляды пашкоджанняў.
Інцыдэнт адбыўся 14 лютага блізу 13.00. На відэа заўважна, што акурат перад тым, як тралейбус нагнала Tesla, нейкая непрыемнасць адбылася з токапрымачамі. Відаць, адтуль і прыляцела.
- Так, проста на хаду мне прыляцела ад тралейбуса, - адзначае наш чытач. - Не ведаю, што менавіта, кавалак чагосьці з токапрымача. Адзін сказаў, што гэта накладка, іншы (нібыта як з рамонтнай брыгады кантактнай сеткі), неяк інакш называў.
Увогуле, не важна, што ўпала, але толькі пашкоджанні электрамабілю яно нанесла прыкметныя. І ў кожнага аўтаўладальніка, вядома, узнікне пытанне: за чый кошт рамонт?
У беларуса каско, што пазбаўляе яго ад шэрагу цяжкасцяў.
- Я выклікаў ДАІ, мне выдалі даведку аб ДТЗ. Сказалі, што калі тралейбус быў у руху, то гэта менавіта ДТЗ. Я відэа падаў, мяне адразу і адпусцілі з даведкай: я ж не вінаваты, на разбор мяне не выклікалі. А што далей: ці прызнаюць віну кіроўцы тралейбуса ці механіка тралейбуснага парка - гэтага я не ведаю, - кажа суразмоўца.
Правілы дарожнага руху (п.2.18):
- дарожна-транспартнае здарэнне - здарэнне, учыненае з удзелам хаця б аднаго механічнага транспартнага сродку, які знаходзіўся ў руху, у выніку якога прычыненая шкода жыццю або здароўю фізічнай асобы, яе маёмасці або маёмасці юрыдычнай асобы.
З атрыманай даведкай гаспадар Tesla звярнуўся ў страхавую кампанію. Сярод пашкоджанняў - левае пярэдняе крыло, капот, антыгравійная плёнка.
- З плёнкай пакуль незразумела: ці будуць кампенсаваць? Як дадатак па каско я яе не страхаваў, - дадаў кіроўца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
