Аляксей Ганчарэнка: Можа ісці гаворка аб вывадзе расейскіх войскаў з Беларусі

Захад павінен заняць цвёрдую лінію.

Прэзідэнт Украіны Уладзімір Зяленскі нечакана вярнуў у парадак дня Беларусь. Украінскі лідар заявіў, што "Усходняя мяжа Украіны і Беларусі павінна стаць лініяй бяспекі Еўропы". Таксама Зяленскі сказаў, што з тэрыторыі нашай краіны можа быць распачатая агрэсія супраць краіны Балтыі і Польшчы.

Чаму прэзідэнт Украіны ўзнімае тэму Беларусі? Такое пытанне сайт Charter97.org задаў украінскаму народнаму дэпутату, кіраўніку міжфракцыйнага аб'яднання "За дэмакратычную Беларусь" Аляксею Ганчарэнку:

- Думаю, каб паказаць усе пагрозы, якія сыходзяць ад Расіі, і ўзмацніць напружанне. Бо напраўду ад Беларусі зыходзіць пагроза. Пуцін робіць з яе плацдарм для сваіх агрэсіўных дзеянняў у дачыненні да Еўропы. Тут Зяленскі абсалютна мае рацыю.

- Ці можа Беларусь стаць часткай перамоў? Напрыклад, ці можа разглядацца варыянт дэмілітарызацыі Беларусі?

- Думаю, што Беларусь можа стаць часткай перамоў. Відавочна, што ўжо ідуць перамовы аб Беларусі. Тут варта адзначыць, што калі будзе нейкае зняцце санкцый з рэжыму Лукашэнкі, то гэта дрэнная гісторыя.

Што тычыцца дэмілітарызацыі, то ёсць чуткі, што амерыканцы ў частцы зніжэння напружання ў свеце (Трамп казаў аб раззбраенні, дэмілітарызацыі, змяншэнні вайсковых бюджэтаў і іншым) могуць зменшыць сваю вайсковую прысутнасць у Еўропе. У сваю чаргу Расея зменшыць (фармальна - адменіць) сваю прысутнасць у Беларусі.

Напраўду гэта абсалютна пустое, бо Беларусь падкантрольная Расеі, і гэта ўсё будзе абсалютна фармальным.

Глядзіце, не хачу пакрыўдзіць, але Трамп увогуле не бачыць Беларусь як нейкую асобную частку гульні. Для яго гэта прыдатак да Пуціна, да РФ. Я прыхільнік жорсткай лініі ў дачыненні да Пуціна, а значыць і ўсіх яго намеснікаў - лукашэнак ды іншых. Толькі цвёрдая лінія.

Але, відавочна, што будзе зроблена спроба пайсці зусім у іншым кірунку і дамовіцца з Пуціным. Атрымаецца ці не - я не ведаю. Хутка даведаемся.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]