У Польшчы адчынілі супольны навучальны цэнтр NATO і Украіны

Ініцыятыва закліканая падтрымліваць УСУ ў іх імкненні да поўнай сумяшчальнасці з войскамі NATO.

Цэнтр аналізу, падрыхтоўкі і адукацыі NATO-Украіна (JATEC), размешчаны ў польскім Быдгашчы, быў афіцыйна адчынены ў панядзелак, 17 лютага.

Пра гэта паведаміла Міністэрства абароны Польшчы.

У афіцыйным адкрыцці цэнтра JATEC удзельнічалі міністр абароны Польшчы Уладзіслаў Касіняк-Камыш, намесніца генеральнага сакратара NATO Радміла Шакерынска, вярхоўны галоўны камандзір Аб'яднаных узброеных сілаў NATO ў пытаннях трансфармацыі адмірал П'ер Вандзье і віцэ-прэм'ерка ў пытаннях еўрапейскай і еўраатлантычнай інтэграцыі Украіны Вольга Стэфанішына.

Паводле словаў Касіняка-Камыша, адкрыццё JATEC – «гэта адчувальная падтрымка для Украіны, якая змагаецца».

«Па-першае – падтрымка Украіны з боку Захаду, NATO і ўсіх хаўруснікаў вызначальная і паслядоўна ажыццяўляецца цягам амаль трох гадоў вайны. Па-другое – гэта выказванне сяброўскага падыходу да супольных дзеянняў», – дадаў ён.

Пастанова аб стварэнні Цэнтра аналізу, падрыхтоўкі і адукацыі NATO-Украіна была прынятая ў лютым 2024 года на пасяджэнні міністраў абароны краінаў Альянсу і пацверджаная на саміце ў Вашынгтоне ў ліпені 2024-га.

JATEC, як супольная ініцыятыва Украіна-NATO, закліканая падтрымліваць Узброеныя Сілы Украіны ў іх імкненні да поўнай сумяшчальнасці з войскамі NATO і спрыяць абмену досведам паміж двума бакамі.

Камандзірам Цэнтра з'яўляецца польскі генерал Войцех Азга.

JATEC дасягнуў пачатковай аператыўнай здольнасці ў студзені 2025 года і поўнасцю разаўе яе да канца гэтага года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]