Невядомыя беспілотнікі атакавалі расейскую базу ў Сірыі

За атакай могуць стаяць групоўкі, звязаныя з новай уладай у краіне.

Уначы 18 лютага яшчэ адзін вайсковы аб'ект Расеі апынуўся пад ударам беспілотнікаў: гэтым разам гэта была авіябаза Паветрана-касмічных сіл РФ, якая дзейнічае на тэрыторыі Сірыі.

За атакай, магчыма, могуць стаяць ісламісцкія групоўкі, звязаныя з новай уладай краіны. Пра гэта паведамілі расейскія СМІ ў Telegram-каналах.

«Беспілотнікі атакавалі расейскую авіябазу Хмеймім, размешчаную на паўночным захадзе Сірыі. Працуюць сістэмы СПА», - гаворыцца ў паведамленні.

На відэа, якое распаўсюджваюць суполкі, можна ўбачыць актыўную працу сістэмы супрацьпаветранай абароны і падзенне абломкаў.

Іншы расейскі Telegram-канал паведаміў аб тым, хто, магчыма, можа стаяць за «тэрарыстычнай атакай» супраць вайсковага аб'екта Паветрана-касмічных сіл Расеі на тэрыторыі Сірыі.

«На Расейскую авіябазу Хмеймім здзейснены напад тэрарыстаў ХТШ (Хаят Тахрыр аш-Шам», — пішуць расейскія СМІ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]