Для фальшывай касманаўткі Васілеўскай знайшлі працу
20- 18.02.2025, 9:21
- 22,226
Яна яе не афішуе.
Першая беларуская касмічная турыстка Марына Васілеўская, як піша "Зеркало", працаўладкаваная ў двух месцах - грамадскае аб'яднанне "Беларускі фонд міру" і ТАА "ЭкаПрамПанэль". Да абедзвюх арганізацый Васілеўская далучылася ў жніўні 2024 года. Пра дзейнасць у фондзе міру яна шмат расказвае ў сваім Instagram, з'яўляецца на мерапрыемствах фонду. Як вынікае з апісання яе профілю, яна курыруе праект "Школа міру", мэта якога - "спрыянне выхаванню дзяцей і моладзі на прынцыпах міру, дружбы, узаемаразумення". Афіцыйна яе пасада называецца так: намесніца старшыні ўправы ў гуманітарным супрацоўніцтве і грамадскай дзейнасці Беларускага фонду міру.
А вось пра працу ў камерцыйнай арганізацыі Васілеўская не паведамляе публічна. “ЭкаПрамПанэль” - беларуская кампанія, якая займаецца вытворчасцю дахавых і сценавых панэляў. Яе асноўныя ўласнікі - прадпрымальнікі Зміцер Падабед і Сяргей Занкевіч, таксама звязаныя з кампаніяй “Ізамат-Буд”.
Цікава, што ў “ЭкаПрамПанэлі” і “Беларускім фондзе міру” аднолькава клічуць кіраўнікоў - Максім Уладзіміравіч Місько. Пры гэтым дырэктар камерцыйнай арганізацыі не пазначаны на сайце кампаніі ў раздзеле "Каманда" разам з партрэтамі іншых супрацоўнікаў і кіраўнікоў. Аднак яго поўнае імя значыцца ў раздзеле "Рэквізіты".
На гэтай сувязі камерцыйнай кампаніі і грамадскай арганізацыі не заканчваюцца. Да прыкладу, адзін з суўладальнікаў “ЭкаПрамПанэлі” Зміцер Падабед прысутнічаў на сустрэчы “Фонду міру” з калектывам Ашмянскай цэнтральнай раённай лякарні ў кастрычніку 2024 года. Бізнэсоўца на гэтым мерапрыемстве прадставілі як "актывіста" грамадскай арганізацыі. На гэтую ж сустрэчу прыехала і Марына Васілеўская, распавяла, што "мір - гэта самае каштоўнае" і як важна ўсё захаваць і прымножыць.
Адзначым, Марына Васілеўская - зусім не касманаўтка, а самы сапраўдны касмічны турыст.
Звычайна на падрыхтоўку касманаўта спатрэбіцца 5-7 гадоў, пры гэтым Марыну Васілеўскую падрыхтавалі ўсяго за 6 месяцаў. Усё тлумачыцца проста: Марыну рыхтавалі не як сапраўдную касманаўтку, а як касмічную турыстку. На сайце "Галаўкосмасу" (камерцыйны аператар "Раскосмасу") можна знайсці рэкламу камерцыйных палётаў на МКС.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
