Журналіст Ігар Карней схуднеў за кратамі на 15 кілаграм
2- 18.02.2025, 11:45
- 4,074
У палітвязня з'явіліся праблемы з сэрцам.
Асуджаны на 3 гады і 10 месяцаў калоніі 57-гадовы журналіст Ігар Карней схуднеў у зняволенні на 15 кілаграм, апрача таго, у яго з'явіліся праблемы з сэрцам, піша «Радыё Свабода».
Журналіст адбываў тэрмін у шклоўскай ПК-17, у снежні 2024 года некаторы час знаходзіўся ў СІЗА КДБ у Менску і ў магілёўскім следчым ізалятары. У Менску Ігару Карнею атрымалася патрапіць да лекара, той пацвердзіў, што ў яго «не вельмі роўны» сардэчны рытм і выпісаў яму валяр'янку.
Паводле інфармацыі крыніц выдання, Карней не скардзіцца на ўмовы ў зняволенні, шмат чытае. Тэлефоннай сувязі з ім няма, але лісты даходзяць.
Нядаўна адзін з іх атрымалі дочкі журналіста, якія знаходзяцца зараз за мяжой (у Ігара іх чатыры). “Радыё Свабода” падае ягоны фрагмент:
«Дарагія дачушкі! Самае вялікае маё жаданне вельмі простае: каб вас у самастойным жыцці любілі, цанілі і паважалі — гэтак жа, як мы з мамай. Спадзяюся, што так і будзе, бо вы заслужылі толькі ўзнёслага стаўлення – прыгожыя, таленавітыя, спагадлівыя. Я, у сваю чаргу, за сваю “выправу” па розных установах шматразова пераканаўся, што такой дружнай вялікай сям'ёй няма каму і пахваліцца. Так што ўжо на гэтым этапе не будзе перабольшваннем адрапартаваць пра поспех нашай агульнай місіі, хаця для вас, безумоўна, усё самае цікавае і насычанае яшчэ наперадзе. Поспеху і асалоды на ўсім шляху».
У сакавіку 2022 года Ігара Карнея асудзілі на 3 гады калоніі паводле артыкула аб удзеле ў “экстрэмісцкім фармаванні” (частка 3 артыкула 361-1 КК). Пазней суд дадаў яму яшчэ 10 месяцаў калоніі паводле артыкула аб злосным непадпарадкаванні адміністрацыі калоніі (артыкул 411 КК).
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
