Названая магчымая тэма перамоў ЗША і РФ у Савудаўскай Арабіі

Гаворка ідзе не толькі пра Украіну.

Перамовы ЗША і краіны-агрэсаркі Расеі ў Савудаўскай Арабіі будуць не толькі аб заканчэнні вайны ва Украіне, на стале і бізнэс інтарэсы.

Пра гэта ў аўторак, 18 лютага, піша The New York Times, указваючы, што гэта будуць самыя грунтоўныя перамовы паміж РФ і ЗША за апошнія гады.

Напярэдадні перамоў у Эр-Рыядзе расейскія чыноўнікі заявілі, што будуць імкнуцца да "нармалізацыі" стасункаў з ЗША і нават не выключылі, што амерыканскія нафтавыя кампаніі вернуцца ў РФ.

Так, Юры Ушакоў, дарадца расейскага дыктатара Уладзіміра Пуціна, пасля прызямлення ў Эр-Рыядзе заявіў журналістам, што мэтай перамоў будзе «пачаць рэальную нармалізацыю стасункаў паміж намі і Вашынгтонам».

У сваю чаргу генеральны дырэктар Расейскага фонду прамых інвестыцый Кірыл Дзмітрыеў заявіў, што ў РФ "амерыканскія нафтавыя кампаніі вялі вельмі паспяховы бізнэс" і выказаў меркаванне, што "ў нейкі момант яны вернуцца".

"Бо навошта ім адмаўляцца ад магчымасцяў, якія Расея ім дала для доступу да расейскіх прыродных рэсурсаў?", – цытуе NYT Дзмітрыева.

У выданні нагадалі, што вядучыя заходнія нафтавыя кампаніі, як і многія іншыя, сышлі з Расеі пасля яе поўнамаштабнага вайсковага ўварвання ва Украіну.

Энэргетычныя і эканамічныя сувязі дзвюх краін былі прадметам тэлефоннай гутаркі прэзідэнтаў Расем і ЗША Уладзіміра Пуціна і Дональда Трампа на мінулым тыдні, піша NYT.

Расейцы спадзяюцца, што перамовы з адміністрацыяй Трампа і мірнае пагадненне аб Украіне могуць адкрыць шлях Злучаным Штатам да скасавання жорсткіх антырасейскіх санкцый.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]