Дзярждэп ЗША пракаментаваў перамовы ў Савудаўскай Арабіі
33- 18.02.2025, 16:12
- 14,696
Амерыканскія і расейскія чыноўнікі дамовіліся па шэрагу пунктаў.
У аўторак, 18 лютага, у Эр-Рыядзе, сталіцы Савудаўскай Арабіі, скончыліся перамовы прадстаўнікоў ЗША і Расеі.
Злучаныя Штаты хочуць спыніць забойствы і выкарыстоўваюць сваю сілу ў свеце, каб аб'яднаць краіны. Як піша Reuters, пра гэта пасля перамоў заявіла прэс-сакратарка Дзярждэпа Тэмі Брус.
З яе слоў, прэзідэнт Трамп - адзіны лідар у свеце, які можа пераканаць Украіну і Расею пагадзіцца на гэта.
Падчас перамоў, з яе слоў, амерыканскія і расейскія чыноўнікі дамовіліся:
- «Стварыць механізм кансультацый для ліквідацыі раздражняльнікаў у нашых двухбаковых стасунках з мэтай ужывання захадаў, неабходных для нармалізацыі работы нашых адпаведных дыпламатычных місій».
- «Прызначыць адпаведныя групы высокага ўзроўню для пачатку працы над шляхамі найхутчэйшага заканчэння канфлікту ва Украіне спосабам, які будзе доўгачасовым, устойлівым і прымальным для ўсіх бакоў».
- «Закласці аснову для будучага супрацоўніцтва ў пытаннях, якія ўяўляюць узаемны геапалітычны інтарэс, а таксама гістарычных эканамічных і інвестыцыйных магчымасцяў, якія з'явяцца пасля паспяховага заканчэння канфлікту ва Украіне».
- «Заставацца ўцягнутымі, каб пераканацца, што працэс рухаецца наперад своечасова і прадуктыўна».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
