ЗША і РФ узгаднілі чатыры прынцыпы ў выніку перамоў у Эр-Рыядзе
20- 18.02.2025, 17:52
- 12,994
Пра гэта заявіў дзяржсакратар ЗША Марка Рубіё.
ЗША і Расея ўзгаднілі чатыры прынцыпы пасля перамоў у Савудаўскай Арабіі, заявіў дзяржсакратар ЗША Марка Рубіё ў аўторак, 18 лютага, паведамляе CNN (пераклад — nv.ua).
З яго слоў, гэтыя прынцыпы прадугледжваюць:
- Аднаўленне функцыянальнасці пасольстваў у Вашынгтоне і Маскве.
- Прызначэнне высокапастаўленай каманды з боку ЗША, якая будзе дапамагаць весці перамовы і працаваць над заканчэннем вайны супраць Украіны такім чынам, што будзе ўстойлівым і прымальным для ўсіх уцягнутых бакоў.
- Пачатак абмеркавання, аналіз і вывучэнне як геапалітычнага, так і эканамічнага супрацоўніцтва, якое можа скончыць вайну.
- Пяцёра з тых, хто быў на перамовах у Савудаўскай Арабіі будуць заставацца ўцягнутымі ў гэты працэс, каб забяспечыць яго прадуктыўнасць.
Пяць чалавек, пра якіх згадаў Рубіё, - гэта ён сам, дарадца ў нацыянальнай бяспецы Майк Уолтц, спецыяльны пасланнік Стыў Уіткоф, а таксама кіраўнік МЗС РФ Сяргей Лаўроў і галоўны дарадца расейскага дыктатара Пуціна ў замежнай палітыцы Юрый Ушакоў.
«Прэзідэнт Трамп хоча спыніць забойствы; Злучаныя Штаты імкнуцца да міру і выкарыстоўваюць сваю сілу ў свеце, каб аб'яднаць краіны. Прэзідэнт Трамп - адзіны лідар у свеце, які можа пераканаць Украіну і Расею пагадзіцца на гэта», - дадаў Рубіё.
Са слоў дзяржсакратара ЗША, «аднаго тэлефоннага званка, за якім ідзе адна сустрэча, недастаткова для ўстанаўлення працяглага міру».
Сустрэча расейскай і амерыканскай дэлегацый адбылася ў аўторак, 18 лютага, у горадзе Эр-Рыядзе.
Са слоў Ушакова, які ўдзельнічаў у перамовах, «была вельмі сур'ёзная размова па ўсіх пытаннях, якія маглі быць закранутыя».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
