Зяленскі: Ісці на ўльтыматумы Расеі не збіраюся

Прэзідэнт Украіны выказаўся аб перамовах ЗША і РФ у Эр-Рыядзе.

Прэзідэнт Украіны Уладзімір Зяленскі заявіў, што перамовы паміж прадстаўнікамі Расеі і ЗША ў Савудаўскай Арабіі прайшлі без удзелу Украіны, таму Кіеў ніколі не прыме ультыматумаў з боку Масквы.

Аб гэтым кіраўнік украінскай дзяржавы сказаў у аўторак, 18 лютага, падчас візіту ў Анкару.

Ён нагадаў, што ў пачатку поўнамаштабнага ўварвання, калі Украіна пачала атрымліваць дапамогу ад розных краін, Расея выстаўляла свае ўмовы. Зрэшты, размова ішла аб скарачэнні Узброеных сіл Украіны, прызнанні акупаваных тэрыторый часткай Расеі і ўстанаўленні ва Украіне прарасейскага кіраўніцтва, якое б дзейнічала ў інтарэсах Крамля.

«У мяне такое ўражанне, што зараз адбываюцца нейкія перамовы, і яны з такім самым настроем адбываюцца, але яны адбываюцца паміж прадстаўнікамі Расеі і прадстаўнікамі ЗША. Аб Украіне, зноў аб Украіне і без Украіны. Цікава, калі мы ў самы складаны момант не пайшлі на ўсе гэтыя ўльтыматумы, адкуль такое адчуванне, што зараз Украіна на гэта пойдзе», - падкрэсліў кіраўнік украінскай дзяржавы.

Зяленскі заявіў, што ніякіх дамоўленасцяў з Расеяй не было ні падчас акупацыі Кіеўскай вобласці, ні падчас перамоў у Беларусі ці Турцыі.

«Я як прэзідэнт Украіны нікому нічога не гарантаваў, нікому нічога не пацвярджаў. Пагатоў ісці на ўльтыматумы Расеі не збіраўся. І не збіраюся», - падкрэсліў Зяленскі.

Дзяржсакратар ЗША Марка Рубіё заявіў, што Штаты і Расея ўзгаднілі чатыры прынцыпы ў выніку перамоў у Савудаўскай Арабіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]