Зяленскі і Эрдаган правялі перамовы ў Анкары: Галоўныя вынікі
5- 18.02.2025, 21:27
- 10,940
Бакі падпісалі некалькі пагадненняў.
Прэзідэнт Украіны Уладзімір Зяленскі правёў сустрэчу з прэзідэнтам Турцыі Рэджэпам Таіпам Эрдаганам у вузкім і пашыраным фарматах, паведамляе Офіс прэзідэнта Украіны.
Зяленскі адзначыў прынцыповую пазіцыю Эрдагана датычна суверэнітэту і тэрытарыяльнай цэласнасці Украіны і адзначыў, што вельмі шануе падтрымку і стасункі з Турцыяй.
Адной з ключавых тэмаў перамоваў стала абмеркаванне глабальных працэсаў, якія спрыяюць заканчэнню вайны Расеі супраць Украіны. Таксама лідары аддалі асаблівую ўвагу гарантыям бяспекі і ролі Турцыі ў іх арганізацыі.
«Украіна, Еўропа, Турцыя, Брытанія і ЗША павінны супольна працаваць над стварэннем надзейных гарантый бяспекі», – падкрэсліў Зяленскі.
Таксама Зяленскі падзякаваў Турцыі за яе пасярэдніцтва ў вызваленні ўкраінскіх ваеннапалонных і заклікаў да далейшага спрыяння ў гэтым пытанні.
Сярод іншых важных тэмаў – развіццё эканамічнага і аграпрамысловага супрацоўніцтва. У рамках сустрэчы бакі падпісалі два дакументы:
Мемарандум аб супрацоўніцтве ў галіне медыя і камунікацый,
Пагадненне аб супрацоўніцтве ў галіне адукацыі.
Асаблівая ўвага была аддадзеная пытанням харчовай бяспекі і супрацоўніцтва ў гэтым кірунку.
«Разам з Турцыяй і партнёрамі мы працуем над тым, каб у свеце не выкарыстоўвалі голад як зброю. Гэта датычыцца і Блізкага Усходу, і Афрыкі, сярод іншага, Сірыі, дзе цяпер ёсць шанец на стабільнасць», – адзначыў Зяленскі.
Прэзідэнт Турцыі пацвердзіў сваю падтрымку тэрытарыяльнай цэласнасці Украіны і заявіў пра гатоўнасць спрыяць устанаўленню міру.
«Мы гатовыя прапанаваць любую падтрымку для заканчэння перамоваў і ўстанаўлення ўстойлівага міру», – падкрэсліў Эрдаган.
Ён таксама падкрэсліў, што турэцкія кампаніі зацікаўленыя ва ўзнаўленні Украіны.
Перамовы прайшлі ў духу стратэгічнага партнёрства паміж Украінай і Турцыяй, дэманструючы супольнае імкненне да ўмацавання супрацоўніцтва і бяспекі ў рэгіёне.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
