Кіраўніца Еўрапарламента: Еўропа гатова супрацьстаяць Кітаю ці Расеі нават без ЗША
7- 19.02.2025, 10:55
- 6,732
Умацаванне абароны і бяспекі з'яўляецца нашым галоўным прыярытэтам.
Еўропа гатовая самастойна супрацьстаяць пагрозам з боку Кітая ці Расеі, калі ЗША надумае зменшыць свой уклад у калектыўную бяспеку.
Пра гэта ў інтэрв'ю РБК-Украіна сказала кіраўнік Еўрапарламента Рабэрта Метсола.
"Умацаванне нашай абароны і бяспекі з'яўляецца нашым галоўным прыярытэтам", - сказала яна.
Паводле ейных слоў, апошнія гады ў ЕЗ павялічылі агульныя абаронныя выдаткі на 30 адсоткаў і дасягнулі значнага прагрэсу ў пытаннях супольных абаронных закупак і пашырэння вытворчасці боепрыпасаў. Праз Еўрапейскі абаронны фонд падтрымліваюць дзяржавы-чальцы ў распрацоўцы інавацыйных і сумяшчальных абаронных тэхналогій і тэхнікі.
Акрамя таго, у нас упершыню з'явіўся еўракамісар у пытаннях абароны, а Еўрапейскі парламент павысіў статус свайго падкамітэта ў пытаннях абароны да паўнавартаснага камітэта. Гэта былі важныя крокі, але нам трэба зрабіць яшчэ больш, і мы гэта зробім», - дадала Метсола.
Старшыня Еўрапарламента адзначыла, што сапраўдная праблема ЕЗ - фрагментацыя. “У той час як ЗША выкарыстоўваюць 30 сістэм узбраенняў, у Еўропе іх 178. Фрагментацыя азначае больш высокія выдаткі і неэфектыўнасць. Нам патрэбны адзіны рынак абароннай прамысловасці. Бо, як трапна сказаў прэм'ер-міністр Туск: час геапалітычнага аўтсорсінгу прайшоў”, - расказала Метсола.
"Такім чынам, адказваючы на ваша пытанне: мы будзем гатовы", - сказала яна ў адказ на пытанне аб тым, ці зможа Еўропа самастойна супрацьстаяць пагрозам з боку Кітая або Расеі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
