Стала вядома імя амерыканца, вызваленага з беларускай турмы

У яго ёсць і ўкраінскае грамадзянства.

Вызвалены 12 лютага ў Беларусі грамадзянін ЗША - 56-гадовы Мікалай Шугаеў, у якога таксама ёсць украінскае грамадзянства, паведаміў тэлеканал "Дождь".

Адзначаецца, што ў Беларусі Шугаеў жыў з сынам і жонкай, якая напісала на яго данос пасля таго, як стасункі сапсаваліся.

Мужчына паведаміў у інтэрв'ю "Дождю", што быў брутальна затрыманы ў чэрвені 2024 года за падпіскі на медыярэсурсы, прызнаныя "экстрэмісцкімі". Таксама яго абвінавацілі ў незаконным пікетаванні: на аватарцы ў "Тэлеграме" ў яго быў размешчаны сцяг Украіны. У выніку Шугаеў чатыры разы адбыў 15-дзённы адміністрацыйны арышт.

“Пытаюцца: навошта ў цябе на падаконніку ляжыць кніга Джорджа Оруэла «1984»? Я кажу: “Як навошта? Чытаю”. Калі праводзілі ператрус, яны забралі нават гэтую кнігу. У мяне на сцяне ў кватэры віселі два сцягі - амерыканскі і ўкраінскі. Сцягі таксама канфіскавалі”, - сказаў Шугаеў.

Потым на яго завялі справу паводле арт. 368 Крымінальнага кодэкса (абраза прэзідэнта) і перавялі ў следчы ізалятар КДБ.

Шугаеў паведаміў, што яму задавалі пытанні, ці працаваў ён на разведку ЗША, Вялікабрытаніі, Украіны, ці займаўся вярбоўкай.

Са слоў Шугаева, калі яго 12 лютага вывезлі з СІЗА з мяшком на галаве, ён "з жыццём развітваўся".

Цяпер былы вязень знаходзіцца ў клініцы ў Тэхасе, праходзіць рэабілітацыю. За пяць месяцаў у няволі ён страціў 20 кг, у яго пагоршыўся зрок, ёсць падазрэнне на сухоты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]