Борыс Джонсан пра словы Трампа: Гэта як сказаць, што ЗША напала на Японію ў Пэрл-Харбары
17- 19.02.2025, 17:13
- 18,068
Еўропе трэба дзейнічаць.
Былы прэм'ер-міністр Вялікай Брытаніі Борыс Джонсан у сераду, 19 лютага, адпрэчыў многія апошнія заявы прэзідэнта ЗША Дональда Трампа. Ён думае, што такія заявы павінны матываваць Еўропу да рашучых дзеянняў.
Аб гэтым ён напісаў у сацсетцы X (Twitter).
«Вядома, Украіна не пачынала гэтую вайну. Гэта ўсё адно, што сказаць, быццам Амерыка напала на Японію ў Пэрл-Харбары. Бясспрэчна, краіна, якая зазнае жорсткае ўварванне, не павінна праводзіць выбары. У Вялікай Брытаніі не было ўсеагульных выбараў з 1935 да 1945 года. Вядома, рэйтынг Зяленскага [прэзідэнта Украіны] не складае 4%. Насамрэч ён прыкладна на тым жа ўзроўні, што і ў Трампа», - напісаў Джонсан.
Ён дадаў, што заявы Трампа «не маюць на мэце быць гістарычна дакладнымі — яны павінны шакаваць еўрапейцаў і прымусіць іх дзейнічаць». Таксама Джонсан згадаў пра 300 мільярдаў даляраў замарожаных расейскіх актываў, якія знаходзяцца пераважна ў Бельгіі.
«Гэта грошы, якія могуць і павінны быць выкарыстаныя для выплат Украіне і кампенсацыі ЗША за іх падтрымку», – заявіў ён.
When are we Europeans going to stop being scandalised about Donald Trump and start helping him to end this war?
— Boris Johnson (@BorisJohnson) February 19, 2025
Of course Ukraine didn’t start the war. You might as well say that America attacked Japan at Pearl Harbor.
Of course a country undergoing a violent invasion should…
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
