Банкі масава ўводзяць змены ва ўкладах
4- 19.02.2025, 20:33
- 8,236
Абмежаванні закранулі валютныя ўклады.
Адразу некалькі банкаў увялі змены ва ўкладах. Да прыкладу, «Альфа-Банк» паведаміў пра абмежаванні ў папаўненні даляравых дэпазітаў. А «Беларусбанк» падняў стаўкі ў рублёвых. «Люстэрка» расказала падрабязнасці.
Абмежаванне ў валютных укладах
«Альфа-Банк» абвясціў, што з 20 лютага нельга будзе папаўняць некаторыя раней адкрытыя даляравыя ўклады. Гэта датычыцца безадклікальных укладаў «Альфа Уклад» і адкрытых пасля 11 снежня летась тэрмінам на 5, 15 і 25 месяцаў. А таксама «Альфа Private», заключанага пасля 13 снежня на 15 месяцаў.
Банк удакладняе, што магчымасць абмежавання папаўнення была першапачаткова прапісаная ва ўмовах дамовы.
Таксама «Альфа-Банк» абвясціў, што з 20 лютага зменіць стаўкі ў некаторых дэпазітах. Новаўвядзенне закранае безадклікальныя ўклады ў далярах.
Новыя стаўкі ў рублёвых дэпазітах
«Беларусбанк» з 19 лютага павысіў адсоткавыя стаўкі ў новых безадклікальных укладах у рублях.
Дэпазіт «Правільны выбар» прапануюць пад 10,5% гадавых на 45 дзён і 11,4% на тры месяцы. Такі самы адсотак – 11,4% – устаноўлены для ўкладу «Безадклікальны для нерэзідэнтаў» на тры месяцы.
Уклад «Ашчаджай онл@йн» на чатыры месяцы цяпер афармляецца пад 11,7% гадавых. Анлайн-уклад «Правільны выбар» прапануюць пад 10,7% на 45 дзён, 11,6% на тры месяцы, а ў рамках прадукту «Ізі-карта» – 11,65% гадавых на той самы тэрмін.
«Банк Рашэнне» таксама абвясціў пра павышэнне ставак ва ўкладах у рублях. Гэта закранула дэпазіты «Формула поспеху», «Online пастанова», «Online пастанова NEW» і «Шаноўны».
«РРБ-Банк» заявіў «пра значнае павышэнне» з 20 лютага адсоткавых ставак укладаў фізічных асобаў у беларускіх рублях. Напрыклад, безадклікальны на два месяцы можна адкрыць пад 10,4% гадавых, а на сем месяцаў – пад 12%.
«Ашчад Банк» з 11 лютага павялічыў стаўкі новых безадклікальных крэдытаў у рублях «Захоўвай» і «Прэміум Даверны» з тэрмінам размяшчэння 366–549 дзён. Цяпер яны складаюць ад 14,75% да 15,25%.
Прывабней размяшчаць дэпазіты ў нацвалюце стала таксама і ў «Тэхнабанку». Стаўкі ва ўкладах у рублях павялічыліся наступным чынам: на «Скарб» – на 0,1 адсоткавага пункта (да 14,1% гадавых), на «Перспектыва» – на 0,4 адсоткавага пункта (да 14,5% гадавых), а на «Сола» – на 1,5 адсоткавага пункта (да 5,5% гадавых).
«ВТБ Банк» падняў стаўкі ў новых укладах у беларускіх рублях на тэрмінах размяшчэння да года. Так, максімальная стаўка ў «кароткіх» дэпазітах «Мае ўмовы анлайн» складае 14,1% гадавых.
«Банк БелЗЭБ» у канцы студзеня павялічыў адсоткавага стаўкі ва ўкладах у беларускіх рублях для фізічных асобаў. Яны вар'іруюцца ад 10,5% да 15% гадавых. «Белгазпрамбанк» узняў стаўкі ў дэпазітах з 22 студзеня.
Новаўвядзенне для кампаній
«Банк БелЗЭБ» з 24 лютага адкарэктуе правілы заключэння дамоваў тэрміновых банкаўскіх укладаў з карпаратыўнымі кліентамі. «У дакументы ўнесеныя змены ў частцы магчымасці ўстанаўлення ў дэпазітах у расейскіх рублях зменнай адсоткавай стаўкі, а таксама карэкцыйныя праўкі», – удакладняе фінустанова.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
