Якой павінна быць тэмпература ў кватэры згодна з медыцынскімі рэкамендацыямі?

Растлумачыла беларуская лекарка.

«У ацяпляльны сезон тэмпература паветра ў кватэры паводле нарматываў не павінна быць ніжэйшай за 18 градусаў. На маю думку, гэта вельмі холадна. Адкуль узялася такая лічба?» - спытаў у «АіФ» жыхар Менскага раёна.

Гэтыя лічбы не бяруцца са «столі». Згодна з медыцынскімі рэкамендацыямі аптымальная тэмпература ў жылым памяшканні - плюс 22°C, мінімальная - плюс 18°C. Дапушчальныя параметры мікраклімату ў жылых памяшканнях устаноўленыя санітарнымі нормамі, правіламі і гігіенічнымі нарматывамі "Патрабаванні да ўладкавання, абсталявання і ўтрымання жылых дамоў", растлумачыла лекар-гігіеніст Цэнтра гігіены і эпідэміялогіі Першамайскага раёна Менска Вольга Крыштаповіч.

На працягу ўсяго ацяпляльнага перыяду тэмпература паветра павінна быць плюс 18-24°C пры вільготнасці не больш за 60%. Пры гэтым узровень камфорту кожнага чалавека можа істотна адрознівацца ў залежнасці ад індывідуальных пераваг і фізіялагічных асаблівасцяў.

Лекарка адзначыла, што занадта высокая тэмпература можа прывесці да страты працаздольнасці, падвышанай стамляльнасці, парушэння водна-солевага балансу. Занадта нізкія тэмпературы, наадварот, пагражаюць выклікаць спазмы сасудаў, пагоршыць цыркуляцыю крыві і садзейнічаць развіццю рэспіраторных захворванняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]