Раман Світан: З Трампам трэба выкарыстоўваць філасофію айкідо
6- 20.02.2025, 16:53
- 9,908
Украінцы атрымалі моцны станоўчы штуршок.
Якія зараз настроі ва Украіне пасля гнеўных тырад прэзідэнта ЗША Дональда Трампа на адрас кіраўніка Украіны Уладзіміра Зяленскага?
Пра гэта сайт Charter97.org пагаварыў з палкоўнікам запасу УСУ, ваенным экспертам Раманам Світанам:
- Тут вельмі важна адзначыць: нельга спыніць баявыя дзеянні, нельга прызначыць аператыўную паўзу, якая дасць магчымасць расейцам перафарматавацца, узмацніцца і далей біць. Гэтага нельга рабіць ні ў якім разе.
Што тычыцца патрабавання Трампа разабрацца з тым, дзе сотні мільярдаў, якія былі выдаткаваныя на Украіну... Дык гэта добра для нас. Цяпер усе ўкраінцы ў ладкі пляскаюць. Нарэшце, хтосьці ўкраінскіх казнакрадаў прыцісне і разарве.
Наступнае патрабаванне, якое тычыцца рэдказямельных металаў на палову трыльёна - пытанняў няма. На трыльён можна даць: капайце, даставайце, укладвайце грошы!
Для таго, каб дастаць гэтыя рэдказямельныя металы, трэба ўкласці амаль 100 мільярдаў даляраў. Пегматыты знаходзяцца вельмі глыбока. Мы на гэта не пойдзем, у нас такіх грошай няма, а ў амерыканцаў жа яны ёсць: капайце, даставайце, але толькі падзяліцеся з народам Украіны. Зямля і нетры належаць народу.
Таму ўсё, што зараз сказаў Трамп, калі правільна яго развярнуць, дык гэта дае ўкраінцам сур'ёзны станоўчы штуршок для выканання баявых задач. На гэта трэба проста правільна глядзець. Гэта называецца філасофія айкідо: выкарыстоўвай сілу супраціўніка ў сваіх мэтах, перанакіраваўшы, а то і ўзмацніўшы яе. Што мы і зробім. Усё ў парадку.
- На якія краіны ў дапамозе можа разлічваць Украіна? Хто сёння крытычна важны для падтрымкі.
- Па-першае, ЗША і іх праграмы, якія ідуць. Іх ніхто не спыняў, вайсковая дапамога ідзе, і яна вельмі важная для нас. Па-другое, вядома, еўрапейскія інстытуцыі, якія, у прынцыпе, могуць надаць дапамогу, прычым, даволі-такі, масіўную.
Мы абапіраемся на еўрапейскую фінансавую і лагістычную дапамогу. І, вядома, спадзяемся на тое, што амерыканская зброя як ішла так і будзе ісці.
Праблем ніякіх з Трампам няма. Так, ён любіць пагаварыць і моцна пакрычаць, але яго проста трэба правільна ўспрымаць.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
