Украіна запускае новую мадэль забеспячэння войска беспілотнікамі
1- 20.02.2025, 20:02
- 5,794
Кіеў укараняе сістэму DOT-Chain.
Міністэрства абароны запускае новую мадэль забеспячэння ўкраінскага войска беспілотнікамі. Сярод іншага, укараняецца сістэма DOT-Chain у набыцці дронаў.
Пра гэта паведамляе РБК-Украіна са спасылкай на заяву міністра абароны Украіны Рустэма Умерава.
«Сёння правялі важную сустрэчу з прадстаўнікамі больш як 200 украінскіх вытворцаў дронаў. Наша задача – забяспечыць хуткую і бесперабойную пастаўку найлепшых беспілотнікаў для нашых воінаў», – адзначыў Умераў.
Паводле ягоных словаў, Мінабароны запускае новую мадэль забеспячэння беспілотнікамі. Агенцтва абаронных закупак (ААЗ) прапанавала вытворцам новыя правілы ўзаемадзеяння паміж дзяржавай, войскам і бізнэсам.
Сярод іншага, укараняецца сістэма DOT-Chain у набыцці дронаў, якая дапаможа:
хутчэй дастаўляць дроны на фронт – падраздзяленні самі будуць выбіраць патрэбныя ім БПЛА, а час пастаўкі скароціцца з месяцаў да некалькіх тыдняў;
падтрымаць вытворцаў – яны будуць атрымліваць прагназаваныя заказы і змогуць планаваць маштабаванне вытворчасці;
стварыць празрыстыя правілы – зразумелыя механізмы пастаўкі будуць стымуляваць канкурэнцыю і развіццё рынку
Як адзначыў міністр, DOT-Chain Defense System дае брыгадам магчымасць самастойна вызначаць, якія дроны ім патрэбныя, у адпаведнасці з сітуацыяй на полі бою. У той самы час вытворцы атрымаюць дакладную карціну попыту і змогуць больш эфектыўна планаваць вытворчасць.
Такім чынам, мы ствараем сістэму, якая будзе працаваць стабільна і бесперабойна. Разам з вытворцамі працуем над тым, каб ніводны вайсковец не чакаў неабходнага тыднямі ці месяцамі. Мінабароны адкрытае да дыялогу і супольнай працы», – дадаў Умераў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
