Вытворцу сыркоў у Беларусі забаранілі пісаць на пакаванні дзве літары

Аб пастанове паведаміў МАРГ.

Міліцыя прапанавала аднаму з беларускіх вытворцаў змяніць назву глазураваных сыркоў праз выкарыстанне абрэвіятуры SS, паведамляе Міністэрства антыманапольнага рэгулявання і гандлю.

Як растлумачылі ў МАРГ, спачатку ў гэтае ведамства паступіў зварот ад пільнага грамадзяніна. Ён звярнуў увагу, што ў Беларусі выпускаюць глазураваныя сыркі пад назвай «ДэSSэрт вішнёвы браўні».

МАРГ паведаміў пра гэта міліцыі. Пытанне выкарыстання літар SS у згаданай назве ўзнімалася на пасяджэнні Гарадзенскай абласной камісіі ў правядзенні ацэнкі сімволікі, атрыбутыкі і інфармацыйнай прадукцыі.

«Пасля разгляду органамі ўнутраных спраў вытворцу накіраваная прапанова аб змене назвы названай прадукцыі. Паводле наяўнай інфармацыі вытворчасць глазураваных сыркоў з такой назвай прыпыненая», - адзначылі ў МАРГ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]