Трамп прыгразіў краінам БРІКС увядзеннем 150-адсоткавых мытаў у выпадку адмовы ад даляра

Прэзідэнт ЗША таксама заявіў, што Вашынгтону не патрэбныя тавары краінаў БРІКС.

Прэзідэнт ЗША Дональд Трамп сказаў, што пагражаў краінам БРІКС увядзеннем 150-адсоткавых мытаў, калі яны адмовяцца ад амерыканскай валюты ва ўзаемаразліках або створаць альтэрнатыўную. Пра гэта Трамп заявіў на сустрэчы з губернатарамі-рэспубліканцамі, трансляцыю якой вялі на YouTube тэлеканала NBC News 21 лютага.

«Што да БРІКС. Яны збіраліся стварыць новую валюту. Яны, магчыма, хацелі выкарыстоўваць юань. Джо Байдэн [экс-прэзідэнт ЗША] сказаў, што гэта складаная сітуацыя. Першае, што я сказаў: любая краіна БРІКС, якая ўспомніць пра знішчэнне даляра, будзе абкладзеная тарыфамі на 150%», – адзначыў Трамп.

Ён дадаў, што ЗША не патрэбныя тавары краінаў БРІКС.

«Я не ведаю, што з імі адбылося. Апошнім часам мы не чулі нічога ад краінаў БРІКС», – дадаў Трамп.

Таксама прэзідэнт сказаў, што ўвядзенне мытаў на імпарт можа прывесці да поўнай адмовы ад падатку на прыбытак.

«Мы маглі б цалкам скасаваць падатак на прыбытак. Магчыма, нам увогуле не спатрэбіцца сістэма падаходнага падаткаабкладання, калі ўсё гэта спрацуе», – адзначыў Трамп.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]