Politico: Еўрапейскія выведкі не давяраюць Трампу

І не хочуць дзяліцца сакрэтамі з ЗША.

Праз прэзідэнта ЗША Дональда Трампа еўрапейскія выведкі асцерагаюцца дзяліцца выведзвесткамі з краінай. Гэта звязанае з яго стаўленнем да рассакрэчвання канфидэнцыйных звестак.

Пра гэта паведамляе Politico.

Як піша выданне, хаўруснікамі ЗША, якія рэгулярна абменьваюцца выведзвесткамі з ЗША, шукаюць спосабы абароны цалкам сакрэтнай інфармацыі ад, як яны чакаюць, «вельмі схільнай да выцеку адміністрацыі Трампа», але «іх магчымасці абмежаваныя».

Журналісты ўдакладняюць, што гэтыя краіны даўно непакоіліся, што «паслужны спіс» Трампа ў раскрыцці сакрэтнай інфармацыі працягнецца і ў другі тэрмін.

«Гэтая трывога ўзмацнілася пасля таго, як Кангрэс ухваліў яго спрэчныя выбары па наглядзе за выведвальнымі аперацыямі і на фоне абвінавачванняў у тым, што канфідэнцыйныя звесткі ўжо выкарыстоўваюцца не па прызначэнні», - гаворыцца ў артыкуле.

Але супрацоўніцтва сусветных выведак у галіне збору і абмену выведзвесткамі мае глыбокія карані - і яго «будзе нялёгка разблытаць».

«Нельга проста так пстрыкнуць выключальнікам», - заявіў паўночнаеўрапейскі вайсковы чыноўнік, якому, як і іншым, была дадзеная ананімнасць для абмеркавання далікатных стасункаў у выведцы.

Тым не менш выданне прыводзіць прыклад, калі Трамп размясціў у Twitter цалкам сакрэтную выяву месца запуску іранскай ракеты і падзяліўся вельмі канфідэнцыйнай ізраільскай выведвальнай інфармацыяй з міністрам замежных спраў Расеі.

Былы высокапастаўлены супрацоўнік брытанскай замежнай выведкі MI6 заявіў, што, калі справа тычылася асабліва сакрэтных праектаў, служба была асцярожная ў стаўленні да таго, што выдаваць падчас першай адміністрацыі Трампа. MI6 адмовілася каментаваць гэтую гісторыю.

«Заўсёды так, заўважце, за ўсякай адміністрацыяй мы не проста так адкрываем звесткі. Але ў мінулы раз з Трампам мы былі яшчэ больш асцярожнымі, і мне цяжка паверыць, што служба не будзе крыху больш асцярожнай на гэты раз», - сказаў былы чыноўнік.

Занепакоеныя замежныя партнёры, магчыма, спадзяюцца, што ім удасца больш мець справу з дырэктарам ЦРУ Джонам Рэткліфам і менш з дырэктарам Нацыянальнай выведкі Тулсі Габард.

Рэткліф займаў пасаду дырэктара нацыянальнай выведкі падчас першай адміністрацыі Трампа і ўважаўся за «аднаго з найменш супярэчлівых кандыдатаў у кабінет Трампа, нягледзячы на мінулыя асцярогі, што ён палітызаваў выведку».

«Хоць роля дырэктара нацыянальнай выведкі ў асноўным бюракратычная, яна будзе курыраваць 18 агенцтваў, якія ўваходзяць у выведвальную супольнасць ЗША, і выступаць у якасці галоўнага дарадцы прэзідэнта ў пытаннях выведкі», – канстатуе Роlitico.

Важна і тое, што асцярогі прадстаўнікоў выведак наўрад ці можна назваць чыста гіпатэтычнымі. Справа ў тым, што праз месяц свайго другога тэрміна адміністрацыя Трампа ўжо сутыкнулася з абвінавачваннямі ў неналежным абыходжанні з канфідэнцыйнай інфармацыяй.

«ЦРУ адправіла несакрэтны электронны ліст, у якім былі пералічаныя імёны і першыя літары прозвішчаў нядаўна найманых аналітыкаў і аператыўнікаў, многія з якіх былі нанятыя для працы з Кітаем, ва Управу кадравай палітыкі ў спробе выканаць намаганні адміністрацыі ў скарачэнні федэральнай працоўнай сілы - патэнцыйна падвяргаючы іх праслухоўванню з боку замежных супраціўнікаў», - апісваюць журналісты дэталі выпадку, якія пацвярджаюць паказаныя вышэй асцярогі.

Аднак дысбаланс інфармацыі, якой абменьваюцца ЗША і іх партнёры, азначае, што «яны могуць страціць больш, калі ўступяць у супярэчнасць з Трампам, улічваючы яго часта транзакцыйны падыход да міжнародных спраў».

Злучаныя Штаты гістарычна былі найбуйнейшым пастаўшчыком выведзвестак сярод партнёраў Five Eyes і за іх межамі. Амерыканская выведка адыграла вызначальную ролю ў папярэджанні і актывізацыі хаўруснікаў у Еўропе аб планах Крамля ўварвацца ва Украіну за некалькі месяцаў да таго, як расейскія танкі перасеклі межы краіны.

«Гаворка ідзе не толькі пра тое, каб дзяліцца, але і атрымліваць. Вочы і вушы ЗША вельмі важныя для Украіны», - заявіў нямецкі чыноўнік, які пажадаў застацца неназваным, бо ён не ўпаўнаважаны размаўляць з прэсай.

Але на фоне асцярог прадстаўнікоў некаторых еўрапейскіх выведак, ёсць і тыя, «хто працягвае весці справы як звычайна».

«Наша палітыка не змянілася», - сказаў Каўпа Росін, дырэктар замежнай выведкі Эстоніі.

Але «іншыя былі больш занепакоеныя» і заявілі, што «палітычны давер да ЗША слабее».

«Гэта закранае ўсе элементы нацыянальнай бяспекі, у тым ліку ІС. Але на паўсядзённым узроўні з прафесіяналамі ў галіне выведкі я не думаю, што ёсць праблема - пакуль», - сказаў былы брытанскі вайсковец.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]