У Беларусі зменяць патрабаванні да банкаўскіх картак і разлікаў па іх

Новаўвядзенні набудуць моц ужо вясной.

У Беларусі ўнесены змяненні ў Інструкцыю, якой рэгламентуецца ажыццяўленне аперацый з банкаўскімі карткамі.

Вось самае важнае, што зараз змяшчаецца ў гэтым дакуменце:

- Беларускія банкі абавязалі выпускаць у абарачэнне карткі на фізічных носьбітах толькі з чыпам стандарту EMV.

- Банкі будуць абавязаны забяспечваць магчымасць выкарыстання шматфактарнай аўтэнтыфікацыі для трымальнікаў картак пры аплаце тавараў і паслуг у інтэрнеце.

- Для інфармавання кліента аб праведзеных з выкарыстаннем карткі аперацыях банкі павінны будуць папярэдне атрымліваць згоду кліента на аказанне такой паслугі. Пры гэтым паслуга інфармавання можа быць платнай ці бясплатнай.

- Банкі таксама абавязаны будуць паведамляць кліентам аб абмежаванні пераліку, сум і (або) колькасці аперацый, якія ажыццяўляюцца з выкарыстаннем картак, а таксама аб змяненні спісу краін і рэгіёнаў, у якіх уведзены абмежаванні на выкарыстанне картак. Дарэчы, зараз некаторыя беларускія банкі робяць гэта добраахвотна.

- Да заключэння дамовы банк павінен будзе паінфармаваць кліента аб крымінальнай адказнасці за распаўсюджванне рэквізітаў картак або аўтэнтыфікацыйных звестак, з дапамогай якіх магчыма атрыманне доступу да рахункаў (артыкул 222 Крымінальнага кодэкса Рэспублікі Беларусь "Незаконны абарот сродкаў плацяжу і (або) інструментаў")

Новаўвядзенні набудуць моц з 22 траўня сёлета.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]