У Нямеччыне пачалося галасаванне на выбарах у бундэстаг
7- 23.02.2025, 10:59
- 4,532
Перадвыбарныя апытанні абяцалі найбольшую падтрымку блоку ХДЗ/ХСЗ.
У Нямеччыне 23 лютага адкрыліся выбарчыя ўчасткі на датэрміновых выбарах у бундэстаг. Яны прапрацуюць да 18-й нядзелі (да 20-й паводле Менска). Усяго ў выбарах бяруць удзел 29 палітычных партый, паведамляе Deutsche Welle.
З 8-й паводле мясцовага часу нядзелі, 23 лютага, па ўсёй Нямеччыны адкрыліся выбарчыя ўчасткі для галасавання на датэрміновых выбарах у бундэстаг. Яны прапрацуюць да 18-й.
У краіне блізу 59,2 млн выбарнікаў. З іх 24,9 млн (42%) – старэйшыя за 60 гадоў. Блізу 2,3 млн выбарнікаў (3,9%) – маладыя людзі, якія дасягнулі 18 гадоў, яны ўпершыню атрымалі права голасу на федэральных выбарах.
Для галасавання за мяжой зарэгістравалася яшчэ блізу 200000 грамадзянаў ФРГ. Іх агульная колькасць ацэньваецца прыкладна на 3-4 млн. Прычына нізкай яўкі сярод іх – бюракратычныя цяжкасці і неабходнасць высылаць бюлетэнь на радзіму поштай.
Хто ўдзельнічае ў выбарах?
Усяго ў выбарах бяруць удзел 29 палітычных партый. Ва ўсіх 16 федэральных землях выступяць 10 з іх: Сацыял-дэмакратычная партыя Нямеччыны (СДПН), «Звяз-90» / «зялёныя», Свабодная дэмакратычная партыя (СвДП), «Альтэрнатыва для Нямеччыны» (АдН), Левая партыя, Звяз Сары Вагенкнехт (ЗСВ), партыя Нямеччыны, Альянс Нямеччына. Хрысціянска-дэмакратычны звяз (ХДЗ) удзельнічае ў выбарах у 15 землях, акрамя Баварыі. Там выступае сястрынскі яму Хрысціянска-сацыяльны звяз (ХСЗ).
Перадвыбарныя апытанні абяцалі найбольшую падтрымку кансерватыўнаму блоку ХДЗ/ХСЗ. За ім ішла ўльтраправая АдН. Потым – левацэнтрысцкая СДПН і леваліберальныя «Зялёныя». Рэйтынг Левай партыі, левапапулісцкай ЗСВ і ліберальнай СвДП вагаўся ў раёне 5%, неабходных для праходжання ў бундэстаг. Паводле сацыёлагаў, блізу 20% выбарнікаў да апошняга не маглі вызначыць, за каго галасаваць і ці ісці ўвогуле на выбары.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
