Пекін папярэдзіў, што дзеянні ЗША «падарвуць давер» кітайскіх кампаній
14- 23.02.2025, 11:31
- 7,480
Кітай адрэагаваў на абнародаванне інвестыцыйнай палітыкі «Амерыка вышэйшая за ўсё».
Кітай заклікаў ЗША спыніць палітызаваць эканамічныя і гандлёвыя пытанні.
Пра гэта паведамляе Bloomberg.
Каментары Міністэрства гандлю Кітая з'явіліся пасля абнародавання інвестыцыйнай палітыкі «Амерыка вышэйшая за ўсё», у якой Кітай названы сярод «праціўнікаў», якія сістэматычна накіроўваюць і спрыяюць інвестыцыям у амерыканскія кампаніі і актывы «з мэтай атрымання перадавых тэхналогій, інтэлектуальнай уласнасці і вагароў уплыву ў стратэгічных галінах».
Хоць прэзідэнт Дональд Трамп раней намякаў на магчымасць заключэння пагаднення для прадухілення далейшай эскалацыі гандлёвай вайны з Кітаем, станоўчае сальда гандлёвага балансу Пекіна з Вашынгтонам на 295 мільярдаў даляраў займае бачнае месца ў пераліку праблемаў, якія турбуюць новую амерыканскую адміністрацыю.
Прадстаўнік Міністэрства гандлю заявіў, што Пекін будзе ўважліва сачыць за дзеяннямі ЗША і ўжываць неабходныя захады для абароны сваіх законных правоў і інтарэсаў.
Пекін заявіў, што заявы Вашынгтона пра тое, што Кітай не змог спыніць гандаль фентанілам, былі «падставай» для ўвядзення абвінавачанняў.
У асобнай заяве 23 лютага Міністэрства гандлю заявіла, што прапанаваныя ЗША абмежавальныя захады супраць марской, лагістычнай і караблебудаўнічай галінаў Кітая наносяць шкоду як іншым, так і самім Штатам, Пекін заклікаў Вашынгтон паважаць факты і шматбаковыя правілы і «спыніць супрацьпраўныя дзеянні».
Нагадаем, што адміністрацыя Трампа паведаміла мексіканскім чыноўнікам, што яны павінны ўвесці мыты на кітайскі імпарт.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
