Гетман УСУ упершыню назваў лічбу ліквідаваных за тры гады расейцаў
7- 24.02.2025, 10:11
- 19,400
Сырскі падвёў вынікі трох гадоў поўнамаштабнай вайны.
За тры гады з моманту пачатку поўнамаштабнага ўварвання РФ ва Украіну беззваротныя страты войска краіны-агрэсара ў асабовым складзе складаюць амаль 250 тысяч чалавек.
Аб гэтым заявіў 24 лютага гетман УСУ Аляксандр Сырскі.
«Прасоўванне на ўсходзе даецца акупантам дарагім коштам. За тры гады супраціўнік страціў амаль 870 тысяч салдат і афіцэраў (з іх беззваротныя страты расейцаў складаюць амаль 250 тысяч чалавек), больш за 10,1 тысячы танкаў, 21,1 тысячы баявых браняваных машын, 23,3 тысячы артсістэм», - заявіў ён.
Гетман УСУ асобна ўказаў, што «свет не верыў, што мы выдужаем, але ўкраінскі народ годна стрымлівае ўдары ворага».
«Мы распляжылі расейскую наступальную групоўку, адкінулі захопнікаў ад Кіева, вызвалілі поўнач Украіны, Харкаўшчыну і Херсон. Сілы абароны Украіны вярнулі больш за 50% тэрыторыі, акупаванай расейцамі пасля 24 лютага 2022 года, правялі шэраг эфектыўных абарончых, а таксама наступальных аперацый», - заявіў Сырскі.
Акрамя таго, гетман УСУ назваў Курскую аперацыю Сіл абароны «праявай здольнасці дзейнічаць асіметрычна», якое прадухіліла варожы наступ на Сумскую і Харкаўскую вобласці.
«Кіеў, які расейцы імкнуліся атрымаць «за тры дні», стаіць і праз тры гады. У 2022-м агрэсар хацеў адсекчы нас ад мора, рыхтаваў высадку дэсанта каля Адэсы. А сёння Чарнаморскі флот РФ фактычна спыніў існаванне - мы загналі яго рэшткі ў бухты Новарасійска. Пры падтрымцы заходніх партнёраў і ўласнымі намаганнямі мы ўзмацняем абарончыя здольнасці, на фоне працягу абарончай аперацыі праводзім рэарганізацыю Узброеных сіл для павышэння іх эфектыўнасці», - рэзюмаваў Сырскі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
