У ЗША з'явіцца манета са Стывам Джобсам

З ініцыятывай выступіў губернатар Каліфорніі.

Губернатар Каліфорніі Гэвін Ньюсам прапанаваў увекавечыць памяць Стыва Джобса, сузаснавальніка і былога кіраўніка Apple, у выглядзе манеты наміналам $1. Аб гэтым паведамляе партал MacRumors.

Каліфарнійская манета будзе адчаканеная Манетным дваром ЗША ў рамках праграмы аднадаляравых інавацыйных манет, якая была запушчаная ў 2018 годзе. Яна дазваляе кожнаму штату стварыць унікальную манету, прысвечаную выбітнаму наватару або інавацыі з іх рэгіёна.

Ньюсам адзначыў, што Стыў Джобс «увасабляе ўнікальны брэнд інавацый, на якім трымаецца Каліфорнія». Ён таксама падкрэсліў унёсак Джобса ў розныя галіны, пачынаючы з Pixar Animation Studios і іх першага поўнаметражнага кампутарнага анімацыйнага фільма «Гісторыя цацак», і заканчваючы яго працай у Apple, дзе былі створаныя рэвалюцыйныя прадукты, такія як Apple II і Macintosh, iPod, iPhone і iPad.

Губернатар мяркуе, што галоўнай спадчынай Джобса было яго імкненне зрабіць тэхналогіі даступнымі і займальнымі для шырокай аўдыторыі. Гэты падыход, заснаваны на наватарстве і пашырэнні межаў магчымага, адлюстроўвае дух Каліфорніі.

Намінацыя ад Каліфорніі была перададзеная на разгляд Кансультатыўнага камітэта чаканкі манет (CCAC), які прадставіць свае рэкамендацыі міністру фінансаў для канчатковага зацвярджэння. Цяпер прапануецца стварыць манету з выявай Стыва Джобса ў яго культавай вадалазцы і акулярах, аднак дызайн можа змяніцца да афіцыйнага выпуску.

Чакаецца, што манета будзе выпушчаная ў 2026 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]