Найбуйнейшыя вугальныя кампаніі Расеі зрабілі справаздачу пра шматмільярдныя страты

Санкцыі працуюць.

Расейская вугальная прамысловасць – адна з найбуйнейшых сыравінных галінаў эканомікі, якая ўключае больш за 30 монагарадоў і сотні тысячаў занятых, – скацілася ў цяжкі крызіс на фоне санкцый Захаду, падзення попыту ў Азіі і праблемаў з вывазам прадукцыі па сетцы РЧ, піша The Moscow Times.

Дзве з найбуйнейшых вугальных кампаніі краіны – «Мечэл» і «Распадская» – паводле вынікаў 2024 года ўсяго атрымалі блізу 50 млрд рублёў чыстых стратаў, вынікае са справаздачаў МСФС, апублікаваных 20 лютага і 21 лютага адпаведна.

«Распадская», якая кіруе галоўнай вугальнай шахтай Расеі з запасамі амаль 500 млн тонаў, страціла 17% выручкі і 36% валавага прыбытку і закончыла год з чыстай стратай на $133 млн супраць прыбытку ў $ 440 млн на год раней. Каб пакрыць касавыя разрывы кампанія выдаткавала тры чвэрці запасаў гатоўкай на рахунках: з 337 млн у пачатку года ў «Распадскай» засталося толькі $ 87 млн на канец снежня.

«Мечэл» даў справаздачу пра падзенне прыбытку на 5% (да 335 млрд рублёў), паказніка EBITDA – на 35% і атрымаў за год чыстую страту на 37 млрд рублёў. Вынікі ў абедзвюх кампаній – «жаласныя», пішуць аналітыкі ПСБ: слабая кан'юнктура сусветных вугальных рынкаў прыціснула кошты, а санкцыі, якія закрылі для вугальнікаў заходнія рынкі, вымусілі прадаваць прадукцыю ў Азію са зніжкамі.

Дадатковым галаўным болем для «Мечэл» стала рэзкае павышэнне ключавой стаўкі ЦБ. Яно «вынікавала за сабой рост выдаткаў на абслугоўванне крэдытнага партфеля і скарачэнне свабоднай грашовай плыні, што наклала абмежаванні на фінансаванне капітальных выдаткаў, рамонтных і экалагічных праграмаў», гаворыцца ў рэлізе «Мечэл». Чыстая, гэта значыць не пакрытая грашовым рэзервамі, завінавачанасць кампаніі за год вырасла на 4%, да 259,4 млрд рублёў і ў 4,6 разы перавышае EBITDA. У снежні «Мечэл» дамовіўся з асноўнымі крэдыторамі – ЗГБ і Газпрамбанкам – пра адтэрміноўку выплатаў запазычанасці: плацяжы 2025–2026 гг. на 35 млрд рублёў будуць перанесеныя на 2027–2030 гг.

Што тычыцца «Распадскай», то яе вынікі «прыкметна горшыя за чаканні», пішуць аналітыкі БКС: другую палову года кампанія спрацавала з адмоўнай грашовай плынню – адток з рахункаў меншы за паступленні на $ 216 млн. У цэлым жа вугальная галіна паводле звестак Расстата, атрымала 80 млрд рублёў сальдаванай страты за студзень – лістапад летась.

Праблемай для вугальнікаў сталі санкцыі: у адрозненне ад нафты і газу, якія Еўропа прадаўжае набываць, няхай і ў невялікіх аб'ёмах, вугаль патрапіў пад татальнае эмбарга, а буйныя вугальныя кампаніі, уключаючы СВЭК і «Мечэл», былі ўнесеныя ў санкцыйныя спісы ЗША.

Як вынік: за год вугальнікі здолелі прадаць на знешнія рынкі 195 млн тонаў прадукцыі – на 17,5 млн тонаў менш, чым год таму, і на 26,2 тоны менш за паказнік 2022 года. У параўнанні з даваенным 2021 годам (223,4 млн тонаў) вугальны экспарт з Расеі ўпаў на 13%, а ягоныя актуальныя аб'ёмы сталі самымі нізкімі за апошнія 6 гадоў. Пастаўкі ў Індыю ўпалі на 37% у параўнанні з папярэднім годам і склалі 25 млн тонаў, у той час як экспарт у Турцыю скараціўся яшчэ мацней – на 39%, да 14 млн тонаў. Найбуйнейшы імпарцёр Кітай у 2024 годзе таксама знізіў імпарт расейскага вугалю – на 7% у параўнанні з 2023-м.

Як адзначаюць аналітыкі Argus, сітуацыю для вугальнікаў пагоршылі праблемы на чыгунках, якія былі не гатовыя да «развароту эканомікі на Усход». Нястача лакаматываў і машыністаў пры павелічэнні грузаплыні паставіла РЧ на мяжу транспартнага калапсу: сярэдняя хуткасць руху на сетцы ўпала ніжэй за 35 км/г і стала мінімальнай з 1991 года. Праз заторы на чыгунках некалькі вугальных кампаній не змаглі ажыццявіць пастаўкі на экспарт у адпаведнасці з планам, расказвалі Bloomberg топ-мэнэджары.

2025 для галіны таксама «будзе няпростым», папярэджваюць аналітыкі ПСБ: «Трыгераў для росту коштаў вугалю і намёкаў на хуткае зняцце санкцый няма, лагістыка застаецца дарагой, а рубель моцным».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]