Дэмаграфічная сітуацыя ў Беларусі шакіруе

Прыклад Гомельскай вобласці.

Уяўленне аб дэмаграфічнай сітуацыі ва ўмовах, калі афіцыйную статыстыку хаваюць і цэнзуруюць, можна атрымаць па ўрыўках інфармацыі. Яна прасочваецца ў рознай дакументацыі - напрыклад, у справаздачах аб ацэнцы ўздзеяння на навакольнае асяроддзе запланаваных да будаўніцтва аб'ектаў, піша «Флагшток».

Колькасць народжаных і памерлых за 5 гадоў у Міхалкоўскім сельсавеце Мазырскага раёна заўважыў Флагшток пры вывучэнні справаздачы аб будаўніцтве тут свінакомплексу. Гэтую тэрыторыю Палесся цалкам можна назваць прэстыжнай сельскай мясцовасцю: побач Мазыр - буйны райцэнтр, паблізу - саўгас-камбінат "Зара", Мазырскі НПЗ, іншыя прадпрыемствы.

Дык вось нават тут дэмаграфічная сітуацыя выглядае катастрафічнай: колькасць памерлых стабільна перавышае колькасць народжаных прыкладна ўтрая. Пры насельніцтве больш за 1,2 тыс. чалавек у Міхалкоўскім сельсавеце штогод паміралі ад 12 да 17 чалавек, а нараджаліся - ад 2 да 7 дзяцей. У 2023 годзе на 5 народжаных было 14 памерлых.

Яшчэ адзін прыклад з дакументацыі па іншым праекце - вёска Журалёўка Грабоўскага сельсавета ў Гомельскім раёне. У асобна ўзятай вёсцы за 5 гадоў не нарадзілася ніводнае дзіця, а памерла — 5 чалавек.

Больш шырокая карціна, але з меншымі падрабязнасцямі ёсць са Жлобіна - дынаміка колькасці насельніцтва за апошнія 9 гадоў. Выявілася, што пасля піка ў 2020 годзе пачалося падзенне колькасці насельніцтва, якая ўпала ў 2024 годзе да рэкордна нізкай колькасці 76 тыс. 844 чалавекі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]